Turqia i kundërpërgjigjet Izraelit pas sulmit ndaj Erdoganit: “Ne u japim zë të shtypurve”, Tel Avivi e quajti “diktator”

Izraeli e ka sulmuar ashpër liderin turk, duke e cilësuar “diktator”, ndërsa Ankaraja është kundërpërgjigjur duke deklaruar se Erdogan u jep zë të shtypurve.

Përplasja e re diplomatike nisi pas deklaratave të Erdoganit në Konferencën e 31-të të OKB-së për Klimën, që po mbahet në Antalia të Turqisë, raporton Protothema.gr.

Presidenti turk kërkoi që Izraeli të sigurojë kontejnerë për palestinezët në Rripin e Gazës, të cilët po përballen me kushte të vështira jetese si pasojë e reshjeve të dendura të shiut.

Deklaratat shkaktuan reagimin e menjëhershëm të Ministrisë së Jashtme izraelite, e cila publikoi një qëndrim të ashpër ndaj presidentit turk.

“Diktatori turk ka gjetur përsëri një platformë ndërkombëtare për të lëshuar propagandën e tij kundër Izraelit”, thuhet në deklaratën izraelite.

Më tej, diplomacia izraelite akuzoi Erdoganin për përhapje të asaj që e cilësoi si propagandë dhe gënjeshtra kundër shtetit hebre.

“Edhe një herë, diktatori Erdogan po përdor një forum ndërkombëtar për të promovuar fushatën e tij anti-izraelite të gënjeshtrave. Hamasi, udhëheqësit e të cilit janë të vendosur në Turqinë e Erdoganit, është përgjegjës për shkatërrimin në Gaza”, thuhet në reagim.

Izraeli gjithashtu fajësoi Hamasin për nisjen e luftës më 7 tetor dhe kërkoi çarmatimin e organizatës, duke argumentuar se kjo është një kusht për fillimin e rindërtimit të Gazës.

Përgjigjja e Ankarasë nuk vonoi. Presidenca turke reagoi duke mbrojtur deklaratat e Erdoganit dhe duke theksuar se ai kishte ngritur zërin për palestinezët që vuajnë nga veprimet e Izraelit.

“Presidenti Erdogan, në Samitin e Antalias, u dha zë atyre që janë të shtypur nga Izraeli”, thuhet në deklaratën e presidencës turke.

Ankaraja theksoi gjithashtu se Turqia do të vazhdojë të qëndrojë pranë popullit palestinez dhe të gjithë atyre që vuajnë nga politikat e Izraelit.

Once again, Dictator Erdoğan is using an international forum to push his anti-Israel campaign of lies.

Hamas, whose leaders are hosted in Erdoğan’s Türkiye, is responsible for the devastation in Gaza.

Hamas started this war with the October 7th massacre and embedded its military infrastructure in civilian areas.

Those who truly care about Gaza should demand that Hamas disarm so reconstruction can begin.

— Israel Foreign Ministry (@IsraelMFA) November 11, 2026

Regarding the Statement by the Ministry of Foreign Affairs of Israel Targeting President Erdoğan https://t.co/2gss4dTtHl https://t.co/uqs9iKwFLC

— Turkish MFA (@MFATurkiye) November 11, 2026

Top Channel