Quni për dënimin e katër ish-pjesëtarëve të UÇK-së: Do ta pranoj nëse krimet vërtetohen në shkallën e fundit

Anton Quni ka bërë të ditur se, pas arrestimit të ish-pjesëtarëve të UÇK-së, ka vendosur të mos flasë për çështjen derisa procesi gjyqësor të marrë fund.

Gjatë emisionit “Adresa”, ai tha se do ta respektojë vendimin përfundimtar të drejtësisë, cilido qoftë ai. Sipas Qunit, nëse shkalla e fundit e gjykatës vërteton se të akuzuarit kanë kryer krime, ai do të pajtohet me atë gjykim.

Në të kundërt, nëse në shkallën e fundit vërtetohet se ata nuk kanë lidhje me çështjet për të cilat janë krijuar bindje të ndryshme, Quni tha se do të ndihet i lumtur.