Ndeshja mes Italisë dhe Francës shkon përtej rivalitetit historik midis dy palëve. Pikët në lojë kanë një rëndësi të madhe, pasi mund t’i sigurojnë kombëtares së drejtuar nga Roberto Mancini një vend në gjysmëfinalet e Nations League.

Riccardo Calafiori është plotësisht i vetëdijshëm për këtë. “Një stadium plot do të jetë një ndihmë e madhe. Duke pasur parasysh kundërshtarin, është e pamundur që një ndeshje e tillë të merret lehtë”, tha mbrojtësi i Arsenal.

“Le të përqendrohemi te ndeshja. Do të na duhen si mendja, ashtu edhe zemra e më pas do të shohim. Jemi një grup shumë i ri, ndaj është ende herët për të folur për liderë. As unë vetë nuk kam shumë përvojë, por përpiqem ta udhëheq skuadrën përmes veprimeve të mia në fushë,” shtoi ai

Më tej, Calafiori tha: “Është ende herët për të parë ndryshime të mëdha apo ndikimin e plotë të punës së trajnerit, por nisja me rezultate pozitive sigurisht që ndihmon. Ka ende shumë punë për t’u bërë”.

“Është gjithmonë emocionuese të luash kundër lojtarëve kaq të fortë, një provë e shkëlqyer edhe në nivel personal. Ata kanë shumë lojtarë të talentuar, ndaj do të jetë një ndeshje sfiduese. Gjithçka do të varet nga mënyra se si ne do t’i qasemi asaj“, tha Calafiori.