Një incident i papritur ndodhi në Pallatin Elysee në Paris, gjatë ceremonisë zyrtare të pritjes së Presidentit të Sllovakisë, Peter Pellegrini nga homologu i tij, Emmanuel Macron.
Nga videot që qarkullojnë duket një burrë nga garda e nderit që u rrëzua papritur.
Macron, së bashku me anëtarët e stafit, nxituan te roja për të parë se çfarë kishte ndodhur.
Pak më vonë, punëtorët e ngritën dhe e larguan nga vendi i ngjarjes.
Pasi burri u largua, presidenti francez u rikthye në procedurën e planifikuar dhe vazhdoi të mirëpriste zyrtarisht homologun e tij sllovak.
Deri më tani, arsyet që çuan në rrëzimin e papritur të rojes nuk janë sqaruar, ndërsa nuk është bërë publik asnjë informacion në lidhje me gjendjen e tij shëndetësore. /Telegrafi/
