Drejtuesja e re e SHISH/ Berisha: Po u emërua nga Rama, dihet që do jetë Vlora bis

Duke komentuar emërimin e ri të drejtueses në SHSH, Berisha tha se, ‘po u emërua nga Rama, dihet që do jetë Vlora bis’.

Klodiana Lala, News24: Zoti Berisha, sot në krye të Shërbimit Informativ Shtetëror është një tjetër zonjë, Esmeralda Hasani. A ka Partia Demokratike një qëndrim lidhur me këtë dekretim të Presidentit të Republikës?

Sali Berisha: Personalisht, emrin e Esmeralda Hasanit e kam dëgjuar ditën që u emërua në krye të Shërbimit Informativ Kombëtar.

Arsen Rusta, MCN TV: Pra e keni dëgjuar sot?

Sali Berisha: Jo, është thënë dje ose pardje që u emërua. Në këtë kuadër, nuk e di se çfarë funksioni ka pasur, cilat kanë qenë funksionet e saj në këtë shërbim, koha e shërbimit, por një gjë është e sigurt që ajo, kur emërohet nga Edi Rama, është Vlora bis.

Nuk mund të jetë ndryshe vetëm simotër e Vlorës. Një gjë është e sigurt. Po emërua nga Rama.

Arsen Rusta, MCN TV: Doktor, fundjavën do e kaloni në Lalz apo në Tiranë?

Sali Berisha: Fundjavën e kaloj në krye të detyrës.

Arsen Rusta, MCN TV: Pra do jeni në Lalz apo në Tiranë?

Sali Berisha: Jo, nuk e kam përcaktuar ende. Nuk e kam përcaktuar se ku do jem. Nuk e di. Po shkova do ju njoftoj. Po shkova do njoftoj, unë jam transparent.