Teresa Enke, bashkëshortja e ish-portierit gjerman Robert Enke, ka zbuluar detaje prekëse nga orët e fundit të jetës së tij, 17 vjet pas tragjedisë që tronditi futbollin botëror.
Në një rrëfim për podcastin e Robin Gosens, ajo tregoi se bashkëshorti i saj e kishte vizituar varrin e vajzës së tyre, Lara, para se t’i jepte fund jetës më 10 nëntor 2009, përcjell “Gazeta Express”.
Aty, në një zemër të vendosur pranë varrit, ai kishte shkruar: “Lara, babi po vjen”.
Lara kishte ndërruar jetë në vitin 2006, vetëm dyvjeçare, për shkak të një problemi në zemër.
Sipas Teresas, Roberti nuk arriti kurrë ta përballonte humbjen e vajzës, ndërsa vuante prej vitesh nga depresioni.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2026 Gazeta Online Insajderi - Të gjitha të drejtat e rezervuara.
