Putin pret Kushnerin dhe Witkoffin: Nuk jemi kundër dialogut me Evropën, por trupat e huaja në Ukrainë përbëjnë kërcënim

“Rusia nuk ka qenë kurrë kundër dialogut me Evropën”, tha Presidenti rus Vladimir Putin, të enjten, duke mirëpritur të dërguarit amerikanë Steve Witkoff dhe Jared Kushner për bisedime në Moskë.

Ai shtoi gjithashtu se “prania e trupave të huaja në Ukrainë është e papranueshme”.

“Mundësia e pranisë së trupave të huaja në Ukrainë përbën një kërcënim për sigurinë kombëtare të Rusisë ”, përsëriti presidenti rus, duke theksuar se “ata janë një objektiv i përhershëm”.

“Ne do të donim që amerikanët të bashkëpunonin me evropianët për të vendosur se çfarë duan, paqe apo luftë”, shtoi ai.

“Shpresojmë që, pas bisedimeve me Putinin, do të jetë e mundur të shpallim një raund të ri negociatash trepalëshe, në të cilat do të marrin pjesë edhe evropianët “, tha Witkov nga ana e tij.

Ai gjithashtu vuri në dukje se “delegacionet ruse dhe ukrainase në Abu Dhabi bashkëpunuan në mënyrë efektive”.

“Shtetet e Bashkuara po shohin që evropianët po shprehin dëshirën për të marrë pjesë në negociata dhe për të kontribuar në përfundimin e konfliktit në Ukrainë”, kishte thënë më parë Kushner.

Dy të dërguarit amerikanë janë planifikuar gjithashtu të takohen me Presidentin ukrainas Volodymyr Zelensky në Dublin.