Arrestohet trajneri grek i peshëngritjes, vëllai i Pirro Dhimës! Akuzohet për doping ndaj sportistëve, ia dha edhe dajlit të tij

Policia greke ka arrestuar 58-vjeçarin Odisea Dhima, vëllai i ish-kampionit të peshëngritjes Pirro Dhima. Ai akuzohet se furnizonte sportistët me substanca të ndaluara dopingu. Mes rasteve që përmend policia është edhe ai i djalit të tij të mitur, të cilit dyshohet se i dha një substancë të ndaluar gjatë një gare.

58-vjeçari u arrestua mëngjesin e së enjtes, më 12 nëntor, në një zonë të Atikës, pas një hetimi disamujor. Arrestimi u krye nga efektivët e Nëndrejtorisë për Hetimin e Krimeve Ekonomike, pjesë e Drejtorisë për Luftën kundër Krimit të Organizuar. Hetimi u zhvillua në bashkëpunim me Organizatën Greke Antidoping (EOKAN) dhe Organizatën Kombëtare të Barnave të Greqisë (EOF).

Një nga rastet më të rënda të hetimit lidhet me administrimin e një substance të ndaluar gjatë një gare sportive ndaj një sportisti të mitur, i cili rezulton të jetë djali i të arrestuarit.

Sipas hetimeve, në analizën e mostrës së urinës së sportistit u zbulua prania e substancës oksandrolonë (Oxandrolone), e cila përfshihet në listën e substancave të ndaluara nga Agjencia Botërore Antidoping (WADA).

Për këtë rast, ndaj trajnerit ishte vendosur më herët një pezullim 12-vjeçar, ndërsa ndaj sportistit të mitur një pezullim 10-mujor.