Maratona e Tiranës zhvillon këtë vit edicionin e dhjetë. Për shkak të aktivitetit që do të zhvillohet në rrugët kryesore të qytetit, Bashkia e Tiranës në bashkëpunim me Policinë e Shtetit kanë hartuar një plan masash për devijimin e qarkullimit të automjeteve. Kufizimi i qarkullimit do të nisë nga ora 08:00 dhe do të zgjasë deri në orën 16:00.
Rrugët që do të bllokohen përfshijnë: sheshin “Nënë Tereza” dhe gjithë bulevardin “Dëshmorët e Kombit”; rrugën “Gjergj Filipi”; rrugën “Papa Gjon Pali II”; rrugën “Ismail Qemali”; rrugën “George W. Bush”; rrugën “Urani Pano”; rrugën “Ismail Ndroqi”; rrugën “Abdi Toptani”; bulevardin “Zog I”; “Bulevardi i Ri”; rrugën “Ded Gjo Luli”; rrugën e “Durrësit”; rrugën e “Kavajës”; rrugën “Myslym Shyri”; bulevardin “Zhan D’Ark” nga kryqëzimi me rrugën “George W Bush” deri te kryqëzimi me bulevardin “Dëshmorët e Kombit”; bulevardin “Bajram Curri” nga kryqëzimi me urën e Gjykatës së Rrethit Tiranë deri tek ura e rrugës së Elbasanit; bulevardin “Gjergj Fishta” nga kryqëzimi me bulevardin “Dëshmorët e Kombit” deri në kryqëzimin me urën e Gjykatës së Rrethit Tiranë; rrugën “Ibrahim Rugova” dhe rrugën “Lek Dukagjini”.
Në Unazën e Mesme ka kufizime përveç segmentit ura e Gjykatës së Rrethit Tiranë deri tek rruga e “Elbasanit”. Kufizime dhe drejtime të detyruara aplikohen në rrugët: “Luigj Gurakuqi”, rruga e “Dibrës”, rruga e “Barrikadave”, rruga “Mine Peza”, rruga e “Kavajës” (nga ura te shkolla teknologjike deri te kryqëzimi “21 Dhjetori”), rruga “Vaso Pasha”, rruga “Ismail Qemali” (nga kryqëzimi me “Vaso Pasha” deri te “Sami Frashëri”), rruga “Abdyl Frashëri” (nga kryqëzimi me sheshin “Willson” deri te “Vaso Pasha”), si dhe në kryqëzimet e përmendura në njoftim me drejtime të detyruara në funksion të pezullimit të qarkullimit.
Itineraret e linjave urbane devijohen ose pezullohen përkohësisht si vijon: Linjat Nr. 1/A dhe 1/B pezullohen; Nr. 2 devijon te sheshi “Willson”; Nr. 3 devijon te kryqëzimi “21 Dhjetori” dhe sheshi “Karl Topia”; Nr. 4 devijon tek sheshi “Karl Topia”; Nr. 5/A devijon te ura e rrugës së “Elbasanit”; Nr. 5/B tek sheshi “Karl Topia”; Nr. 6 devijon në bulevardin “Zogu I”; Nr. 8 devijon te rruga e “Elbasanit” rrethrotullimi “Qyteti Studenti”; Nr. 9 pezullohet; Nr. 10/A devijon te ura e rrugës së “Elbasanit”; Nr. 11 pezullohet; Nr. 12/A dhe 12/B devijojnë drejt kryqëzimit “21 Dhjetori” me drejtim urën “Vasil Shanto” dhe më tej përkatësisht, pjesa tjetër pezullohet përkohësisht; Nr. 13 devijon te sheshi “Willson” dhe pjesa tjetër te sheshi “Karl Topia”; Nr. 15 devijon te rruga e “Kavajës” në kryqëzim me rrugën “Muhamet Gjollesha” (kryqëzimi “21 Dhjetori”) dhe më tej në kryqëzimin me rrugën e Barrikadave; Nr. 16 pezullohet përkohësisht.
Ndalohet qarkullimi i automjeteve për transport të përzier, teknologjike dhe transport pasagjerësh (përveç mjeteve të transportit urban qytetas) brenda unazës së madhe në datë 15.11.2026 nga ora 08:00 deri në 16:00.