Aksident i rëndë në Indi, kamioni përplaset me autobusin! 23 viktima dhe disa të plagosur

Të paktën 23 persona u vranë dhe disa të tjerë u plagosën pasi një kamion u përplas me një autobus në shtetin verilindor të Assamit të Indisë të premten.

Aksidenti ndodhi në një autostradë pranë Parkut Kombëtar Kaziranga, i cili është pjesë e Trashëgimisë Botërore të UNESCO-s, i famshëm për rinocerontët me një brirë.

“Ka 23 vdekje të konfirmuara dhe shtatë persona janë dërguar në spital”, tha Swapnaneel Deka, zyrtar i policisë.

“Ka të ngjarë që numri i të vdekurve të rritet”, shtoi ai.

Ai tha se autobusi po udhëtonte drejt një lagjeje fqinje, me rreth 30 persona në bord. Shoferi i kamionit u plagos.

Kryeministri i Assamit, Himanta Biswa Sarma, tha në një postim në X se ishte thellësisht i pikëlluar nga aksidenti tragjik dhe kishte dërguar një ministër të lartë në vendngjarje për të mbikëqyrur masat e ndihmës.

“Prioriteti ynë kryesor tani është të sigurohemi që të lënduarit të marrin kujdesin më të mirë të mundshëm mjekësor pa vonesë”, shkroi ai.