Një moment i sikletshëm mes presidentit francez, Emmanuel Macron, dhe kryeministres së Islandës, Kristrún Frostadóttir, është kthyer në hit në rrjetet sociale, pasi një fotografi e shkrepur gjatë një samiti evropian ka kapur një situatë të pazakontë mes dy liderëve. Fotografia, e realizuar nga agjencia franceze AFP, tregon Macron duke iu afruar kryeministres islandeze për ta përqafuar, ndërsa kjo e fundit duket sikur tërhiqet lehtë prapa, duke vendosur njërën dorë mbi shpatullën e presidentit francez.
Kontrasti mes dy qëndrimeve e bën edhe më pikant momentin. Macron shfaqet i buzëqeshur dhe me krahët e drejtuar për përqafim, ndërsa Frostadóttir duket më e rezervuar, madje në fotografi krijohet përshtypja se ajo po i drejtohet fotografit që ndodhej pranë tyre.
Ishte pikërisht ky çast i kapur në një fraksion sekonde që bëri fotografinë virale, duke nxitur komente dhe reagime të shumta në rrjetet sociale. Megjithatë, një fotografi e vetme nuk tregon domosdoshmërisht se çfarë ndodhi realisht mes dy liderëve apo nëse bëhej fjalë për një refuzim të qëllimshëm të përqafimit. Ajo që është e sigurt është se objektivi i AFP-së kapi një prej momenteve më të komentuara të samitit.
An awkward moment unfolded at a gathering of European leaders in Dublin as French President Emmanuel Macron appeared to attempt a hug with Icelandic Prime Minister Kristrún Frostadóttir. She seemed to pull away, leaving the exchange visibly uncomfortable.
#emmanuelmacron #macron https://t.co/vUKMX4FnN6— Reporter World (@Reporterworld_) November 13, 2026
