Behare Maksuti ka treguar gjatë spektaklit të sontëm të Big Brother VIP Kosova arsyen që e shtyu të merrte vendimin për t’u larguar nga shtëpia në mënyrë të papritur dhe pa paralajmërim gjatë javës.
Gjatë bisedës, ajo u shpreh se qëndrimi brenda shtëpisë kishte qenë në rregull dhe se nuk kishte pasur ndonjë problem që lidhej me eksperiencën e saj në këtë format.
Megjithatë, Behare pranoi se shqetësimi për fëmijët e saj kishte ndikuar në vendimin për t’i dhënë fund qëndrimit në BBVK.
Ajo sqaroi se bëhej fjalë për një arsye familjare, duke lënë të kuptohet se rrethanat jashtë shtëpisë ishin më të rëndësishme për të në atë moment.
Kështu, gjatë spektaklit, Behare bëri të qartë se largimi i saj nuk kishte të bënte me banorët apo me mënyrën se si po e përjetonte lojën, por me familjen. /Telegrafi/
- YouTube www.youtube.com
