Mitaj me syrin e nxirë pas ndeshjes me Finlandën, çfarë ndodhi me mbrojtësin

Fitorja 2-0 ndaj Finlandës ka lënë gjurmë edhe te Mario Mitaj, i cili duket se e ka përjetuar sfidën si një betejë të vërtetë në fushën e lojës. Mbrojtësi 23-vjeçar e përfundoi takimin me një shenjë të dukshme pranë syrit, dëshmi e intensitetit të përballjes.

Në skemën e trajnerit Rolando Maran, Mitaj u aktivizua në një pozicion jo të zakonshëm për të, duke qenë pjesë e mbrojtjes me tre lojtarë dhe jo në krahun e majtë, aty ku zakonisht luan. Pavarësisht ndryshimit të rolit, futbollisti shqiptar u përshtat mirë dhe kontribuoi në suksesin e rëndësishëm të kuqezinjve.

Pas përfundimit të ndeshjes, lojtari me origjinë nga Malësia e Madhe ndau me ndjekësit në rrjetet sociale një fotografi, ku shfaqej me syrin e nxirë. Krahas imazhit, ai kishte zgjedhur një mesazh emocionues për fanellën kuqezi:

“Përjetësisht me ty, Shqipëria ime”.

Një dedikim që tregon lidhjen e fortë të Mitajt me Kombëtaren, fanellën e së cilës e ka veshur tashmë në 38 ndeshje, pavarësisht moshës së re.

Për Mitajn, sakrifica në fushë duket se është pjesë e pandashme e përkushtimit ndaj ngjyrave kuqezi.