Rama kërkon ndërprerjen e transmetimit të Asamblesë së PS-së: Dua të flas vetëm me familjen time politike

Pas fjalës së Sekretarit të Përgjithshëm, Blendi Klosi, në Asamblenë Kombëtare të Partisë Socialiste, fjalën e mori kryeministri Edi Rama, i cili kërkoi ndërprerjen e transmetimit të drejtpërdrejtë të mbledhjes.

Rama u shpreh se dëshironte të ndante disa fjalë vetëm me anëtarët e Asamblesë, duke kërkuar që diskutimi të vijonte pa praninë e kamerave.

“Dua të ndaj disa fjalë vetëm me Asamblenë, me familjen time politike”, deklaroi shefi i qeverisë.