Kombëtarja e Kosovës ka barazuar pa gola, 0-0, ndaj Izraelit në stadiumin “Fadil Vokrri” në Prishtinë, në ndeshjen e vlefshme për xhiron e pestë të Ligës B të Ligës së Kombeve.
“Dardanët” luajtën për rreth 30 minuta me një lojtar më pak, pasi Veldin Hoxha u ndëshkua me kartonin e dytë të verdhë dhe u përjashtua nga loja.
Kosova pati disa raste të mira shënimi, përfshirë goditjen e Lindrit Kamberit që përfundoi në shtyllë, por nuk arriti të gjente rrugën drejt golit.
Me këtë barazim, Kosova shkon në kuotën e gjashtë pikëve, ndërsa Izraeli ka tri pikë.
Ndeshjen e radhës, Kosova do ta zhvillojë më 17 nëntor në udhëtim ndaj Irlandës, ku i nevojitet fitorja për të synuar vendin e dytë në grup.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2026 Gazeta Online Insajderi - Të gjitha të drejtat e rezervuara.
