Fluturimet në SHBA rifillojnë gradualisht pas ndërprerjes së trafikut ajror

Fluturimet në Shtetet e Bashkuara kanë nisur të rifillojnë gradualisht, pasi ishin pezulluar për disa orë të premten për shkak të një ndërprerjeje të madhe në sistemin e komunikimit. 

Megjithatë, autoritetet kanë paralajmëruar se rikthimi i plotë në normalitet do të marrë kohë, raporton The Guardian.

Administrata Federale e Aviacionit (FAA) e hoqi ndalesën për të gjitha fluturimet në vend rreth katër orë pasi e kishte vendosur, të premten pasdite. Sipas platformës FlightAware, e cila përcjell lëvizjet e avionëve, më shumë se 11 mijë fluturime pësuan vonesa ose u anuluan, duke shkaktuar kaos të papritur në aeroporte.

FAA-ja konfirmoi në faqen e saj se hapësira ajrore ishte rihapur. “Pra, në orën 20:15 sipas kohës lindore, ne e kemi hapur hapësirën ajrore”, tha sekretari amerikan i Transportit, Sean Duffy. Ai shtoi se do të nevojitej kohë për të rikthyer gjithçka në gjendjen e mëparshme, pas problemeve të shkaktuara gjatë pasdites.

Duffy tha se qeveria federale e kishte identifikuar problemin që shkaktoi ndërprerjen e sistemit të kontrollit të trafikut ajror dhe se sistemi tashmë ishte funksional.

Edhe Botë 16 o. më parë SHBA-ja thotë se mbingarkesa e sistemit ishte shkak i ndalimit të fluturimeve

Gjatë një konference për media në Shtëpinë e Bardhë, të premten në mbrëmje, Duffy shpjegoi se problemet nisën në orën 15:36, kur qendrat e kontrollit të trafikut ajror përjetuan paqëndrueshmëri në sistemet e radarëve dhe të komunikimit.

“Ne kemi një sistem të kontrollit të trafikut ajror jashtëzakonisht të vjetër. Ruterët tanë u mbingarkuan me të dhëna dhe filluan të japin informacione të pasakta. Për këtë arsye, e ndalëm sistemin”, tha ai.

Megjithatë, konferenca e përbashkët e Duffyt dhe sekretarit të Sigurisë Kombëtare, Markwayne Mullin, u shndërrua shpejt në një thirrje drejtuar Kongresit për të siguruar financimin e plotë të ndërtimit të një sistemi krejtësisht të ri të kontrollit të trafikut ajror.

Më herët, FAA-ja kishte njoftuar se ndalesa e fluturimeve ishte vendosur për shkak të rrethanave të jashtëzakonshme dhe për arsye sigurie.

Edhe Botë 13 nën 2026 Ndalohen të gjitha fluturimet në SHBA

Duffy bëri të ditur se në momentin kur u vendos ndalesa, më shumë se 3 mijë e 500 avionë ndodheshin në ajër.

Ndërkaq, Mullin tha në një konferencë për media se hetimet paraprake nuk kanë dhënë shenja se ndërprerja ishte shkaktuar nga ndonjë sulm i qëllimshëm.