Shqipëria zbret këtë të diel në fushë për ndeshjen e fundit të Grupit C1 në Ligën e Kombeve, ku përballë do të ketë Bjellorusinë. Kuqezinjtë synojnë ta mbyllin me sukses këtë fazë të kompeticionit dhe të sigurojnë objektivin e vendosur nga stafi teknik i drejtuar nga Rolando Maran.
Për këtë përballje të rëndësishme, trajneri italian ka bërë publike edhe formacionin zyrtar, ku nuk mungojnë ndryshimet për shkak të disa mungesave. Ylber Ramadani nuk do të jetë në dispozicion për shkak të pezullimit nga kartonët, ndërsa Ernest Muçi mbetet jashtë për shkak të problemeve fizike.
Në vend të Ramadanit, në qendër të mesfushës do të luajë Juljan Shehu, i cili do të formojë dyshen me Kristjan Asllanin. Ndërkohë, në repartin ofensiv, vendin e Muçit e merr Hoxha, që do të mbështesë së bashku me Laçin sulmuesin Rey Manaj.
Kuqezinjtë do të luajnë me skemën 3-4-2-1. Në portë është Etrit Berisha, ndërsa treshja e mbrojtjes përbëhet nga Ardian Ismajli, Berat Gjimshiti dhe Mario Mitaj. Në krahë do të aktivizohen Pilo dhe Hysaj, ndërsa në qendër të mesfushës do të jenë Shehu dhe Asllani.
Më përpara, Laçi dhe Hoxha do të mbështesin Rey Manajn, i cili do të jetë pika e referimit në sulm.
Formacioni zyrtar i Shqipërisë (3-4-2-1):
Portier: Berisha
Mbrojtës: Ismajli, Gjimshiti, Mitaj
Mesfushorë: Pilo, Shehu, Asllani, Hysaj
Sulmues: Laçi, Hoxha, Manaj
