Rusia ka kërcënuar se do të përdorë forcën për të arritur qëllimet e saj, nëse nuk sheh perspektivë për arritjen e marrëveshjeve me Evropën. Deklarata u bë nga zëdhënësi i Kremlinit, Dmitry Peskov, i cituar nga agjencia ruse TASS.
Peskov deklaroi se nëse BE nuk dëshiron paqen, atëherë nuk ka kuptim të diskutohen zgjidhja e konfliktit në Ukrainë apo çështjet që lidhen me sigurinë evropiane.
Ai kritikoi gjithashtu mungesën e unitetit mes vendeve evropiane, duke thënë se përçarjet po pengojnë marrjen e vendimeve në kohë.
“Do të shohim nëse ata mund të gjejnë kapacitetin dhe vendosmërinë e nevojshme për të arritur një qëndrim të përbashkët dhe për të vepruar shpejt. Deri më tani, ata nuk kanë pasur sukses.
Natyrisht, në një moment do të duhet ta diskutojmë këtë me evropianët. Pyetja është nëse ata me të vërtetë duan paqe. Nëse nuk e duan, diskutime të tilla do të ishin të pakuptimta.”, tha ai.
