Temperaturat e larta për këtë periudhë të vitit kanë rikthyer atmosferën e verës në bregdetin e Vlorës, ku termometri ka shënuar deri në 25 gradë Celsius, ndonëse kalendari tregon 15 nëntor.
Moti i ngrohtë ka bërë që dhjetëra qytetarë dhe pushues të zgjedhin plazhin për të shijuar rrezet e diellit dhe fundjavën me kushte të favorshme atmosferike.
Disa prej tyre kanë preferuar të qëndrojnë në rërë, ndërsa më guximtarët janë futur në det.
Bregdeti është frekuentuar si nga vendasit, ashtu edhe nga turistët e huaj, të cilët kanë shfrytëzuar ditën e ngrohtë për të shijuar plazhet e Vlorës, në një atmosferë që të kujton muajt e verës./A2 CNN
