Shkollë për Babagjyshët në Londër, leksione për gjuhën e shenjave dhe si t’u përgjigjen pyetjeve të vogëlushëve

Dhjetëra Babagjyshë u kthyen në bankat e shkollës në Londër, duke marrë pjesë në një seminar të posaçëm trajnimi përpara Krishtlindjeve, që synonte t’i përgatiste ata për takimet me fëmijët dhe pyetjet e papritura që mund të marrin.

Seminari u zhvillua të enjten, më 12 nëntor, në jug të Londrës, ku pjesëmarrësit lanë përkohësisht pas skenat e Krishtlindjeve dhe u kthyen në klasa, të veshur me uniformat e tyre karakteristike të kuqe.

Gjatë trajnimit, Babagjyshët praktikuan gjuhën e shenjave, duke mësuar të thoshin “Gëzuar Krishtlindjet”, u informuan rreth trendeve më të fundit në lodra dhe u përgatitën për pyetje të vështira ose të papritura nga vizitorët e vegjël.

Programi organizohet nga Ministria e Argëtimit dhe Shkolla e Babagjyshit feston 28-vjetorin e saj këtë vit. Qëllimi i tij është të përgatisë profesionistë që marrin përsipër të mishërojnë Babagjyshin në qendrat tregtare, dyqanet dhe ngjarjet e Krishtlindjeve në të gjithë Mbretërinë e Bashkuar dhe më gjerë.