Pas fitores 0-2 ndaj Bjellorusisë, Juljan Shehu foli me optimizëm për mediat nga Budapesti. Mesfushori i Shqipërisë u ndal te paraqitja e tij dhe synimet e skuadrës në kualifikueset e Europianit.
Të lidhura
None found
“Jam i lumtur që bëra një paraqitje të mirë. Shpresoj të vijojmë në të njëjtën mënyrë dhe ta ruajmë ritmin”, u shpreh Shehu.
I pyetur për ngjitjen në Ligën B, ai tha se Shqipëria ka potencialin të luajë edhe përballë ekipeve të forta, por theksoi se skuadra duhet të qëndrojë me këmbë në tokë.
Sa u përket kualifikueseve të Europianit, Shehu shprehu shpresën që Shqipëria t’ia dalë përmes tyre, duke e quajtur këtë gjënë më të bukur për skuadrën. Sipas tij, rruga nga play-off-i ka një shkallë më të lartë vështirësie.
