Anglia i ka dhënë fund serisë prej 43 ndeshjesh pa humbje të Spanjës, duke e mposhtur me rezultat 3:2 në ndeshjen e fundit të Grupit A3 të Ligës së Kombeve.
Me këtë fitore, të arritur të dielën në stadiumin “Metropolitano” në Madrid, Anglia e siguroi vendin e parë në grup me 15 pikë. Me pikë të njëjta e përfundoi garën edhe Spanja, por me goldallim më të dobët.
Anglia, falë përfundimit në vendin e parë, do ta ketë avantazhin e terrenit vendas në ndeshjen e kthimit të çerekfinales.
Kapiteni Harry Kane kaloi Anglinë në epërsi në minutën e 45-të, duke realizuar nga penalltia.
Ezri Konsa e dyfishoi epërsinë në minutën e 53-të, ndërsa Ben White me asistim nga Jude Bellingham shënoi për 3:0 vetëm katër minuta më vonë.
Megjithatë, rrjedha e ndeshjes ndryshoi në minutën e 63-të, kur Elliot Anderson u përjashtua me karton të kuq. Ai, si lojtari i fundit në mbrojtje, ndali Lamine Yamalin dhe shkaktoi penallti, duke e lënë Anglinë me një futbollist më pak.