Një 31-vjeçar, i shpallur në kërkim prej rreth një muaji për tre raste vjedhjesh në juglindje të vendit, është arrestuar nga Policia e Korçës. Në pranga ka rënë shtetasi me inicialet E. Z., i dyshuar për vjedhjen e një sasie të konsiderueshme materialesh në një fabrikë, një magazinë dhe një banesë.

Sipas të dhënave paraprake, vlera e sendeve të vjedhura në këto tre raste kap shifrën e mbi 5 milionë lekëve të vjetra. 31-vjeçari ishte shpallur në kërkim pas hetimeve të kryera nga strukturat policore, të cilat arritën të zbardhnin tre vjedhjet.

I arrestuari rezulton një emër i njohur për policinë, pasi ka precedentë penalë në fushën e narkotikëve. Pas arrestimit, materialet procedurale janë referuar në Prokurori për veprime të mëtejshme lidhur me rastin.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: