GJKKO ka rrëzuar kërkesën e ish-kryeprokurorit Adriatik Llalla për parashkrimin e dënimit me dy vite burg.
Llalla iu drejtua gjykatës me kërkesën për të shpallur të parashkruar dënimin, duke pretenduar se kishte kaluar afati ligjor për ekzekutimin e tij.
Megjithatë, GJKKO nuk e ka pranuar kërkesën, duke lënë në fuqi detyrimin për vuajtjen e dënimit të dhënë ndaj ish-kryeprokurorit.
Adriatik Llalla është dënuar me dy vite burg për veprën penale të fshehjes dhe mosdeklarimit të pasurisë. Vendimi i dënimit është lënë në fuqi nga Apeli i Posaçëm në shtator të vitit 2021.













