GJKKO rrëzon kërkesën e Adriatik Llallës për parashkrimin e dënimit me 2 vite burg

Aktualitet | 3 minuta më parë

Gjykata e Posaçme Kundër Korrupsionit dhe Krimit të Organizuar (GJKKO) ka rrëzuar kërkesën e ish-kryeprokurorit Adriatik Llalla për pushimin e ekzekutimit të dënimit me 2 vite burg, me argumentin se ka kaluar afati i parashkrimit.

Llalla kishte pretenduar se nga momenti i dhënies së vendimit të dënimit në vitin 2021 kanë kaluar pesë vite dhe, për këtë arsye, kërkonte ndërprerjen e ekzekutimit të tij.

Ish-kryeprokurori është dënuar me 2 vite burg për fshehje pasurie. Ai ndodhet në Itali, ku u largua përpara se vendimi i dënimit të merrte formë të prerë.

Në seancën gjyqësore, Llalla nuk ishte i pranishëm dhe u përfaqësua nga avokati i tij mbrojtës.

 

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme