Ftesë për Veliajn e Spiropalin? Berisha nga GJKKO: Të gjithë të bashkohen ta përcjellin një minutë e më parë
Kryetari i Partisë Demokratike, Sali Berisha, dha një prononcim për mediat pas paraqitjes në Gjykatën e Posaçme, në zbatim të masës së sigurisë “Detyrim paraqitje”.
I pyetur për mungesën e tij në protestën e fundit, Berisha u shpreh se bëhej fjalë për një protestë qytetare dhe se prania e tij do të mund të interpretohej si përpjekje për ta politizuar atë.
“Janë dy lloje protestash: ato popullore, në të cilat demokratët janë të parët që marrin pjesë, dhe protestat partiake. Dalja ime do të ishte një akt politizimi për një protestë qytetare”, deklaroi kreu i PD-së.
Gjatë prononcimit, Berisha u pyet gjithashtu nëse ka një ftesë publike për bashkim me Erion Veliajn dhe Elisa Spiropalin, pas zhvillimeve të fundit në Asamblenë e Partisë Socialiste.
Ai shmangu përmendjen e drejtpërdrejtë të dy emrave, por përsëriti thirrjen për bashkim të të gjithë faktorëve politikë që janë kundër kryeministrit Edi Rama.
“Të gjithë faktorët që e konsiderojnë Ramën të keqen më të madhe në historinë pluraliste të Shqipërisë, duhet të bashkohen ta përcjellin një minutë e më parë”, përfundoi Berisha.
Von der Leyen: Shqipëria po bën progres domethënës drejt anëtarësimit në BE
Von der Leyen: Zgjerimi do ta bëjë BE-në më të fortë
“Kërkesat janë absurde”, Kallas flet për kushtet e Rusisë për paqe në Ukrainë
- 11:02 Von der Leyen: Shqipëria po bën progres domethënës drejt anëtarësimit në BE
- 11:00 Shpërthim me lëndë plasëse në Patos, dëmtohet porta e banesës së 33-vjeçarit me “arrest shtëpie”
- 10:56 Von der Leyen: Zgjerimi do ta bëjë BE-në më të fortë
- 10:55 OBSH: Rezistenca ndaj antibiotikëve kërcënon të shkaktojë 39 milionë vdekje në 25 vjet
- 10:54 “Kërkesat janë absurde”, Kallas flet për kushtet e Rusisë për paqe në Ukrainë
- 10:51 Qarkullonte me pistoletë, arrestohet 23-vjeçari në Vlorë, në pranga edhe shoferi 37-vjeçar