
Këngëtari Orgito Dapa i ftuar në emisionin “Spicy Show” nga Toney, ka rrëfyer historinë e këngës që i dha një tjetër drejtim karrierës së tij muzikore. Artisti ka zbuluar se suksesi i këngës “Dashnia ime” erdhi disa muaj pas publikimit, falë një videoje në TikTok dhe një ripunimi të realizuar nga producenti Elai.
Po ashtu Orgito tregoi se “Dashnia ime” ishte kënga e dytë e karrierës së tij, e realizuar në një studio në Tiranë. Ai falënderoi Samuelin dhe Zanin për melodinë, si dhe tekstshkruesin Gëzim Mneri për tekstin. Megjithatë, sipas tij, kënga nuk pati sukses të menjëhershëm, por nisi të merrte vëmendje rreth gjashtë apo shtatë muaj pas publikimit. Në atë periudhë, kur ishte ende nxënës në Liceun Artistik në Tiranë, Orgito publikonte shpesh interpretime të këngëve të artistëve të tjerë në TikTok. Një mbrëmje vendosi të provonte diçka ndryshe, duke interpretuar me kitarë këngën e tij.
“E postova në orën 10 të darkës dhe kur u zgjova në orën 7 të mëngjesit, videoja kishte 300 mijë shikime”, tregoi këngëtari, duke kujtuar emocionet e atij momenti. Videoja tërhoqi vëmendjen edhe të producentit Elai, i cili mori vokalin e Orgitos dhe realizoi një version të ripunuar, që fillimisht e publikoi në Instagram.
Pjesë nga intervista
Toney: Orgito cila këngë ta ka ndryshuar total karrierën?
Orgito: Atëherë është një ndër këngët e mia të para. Nuk po them e para, se kam bërë një tjetër në fillim. E dyta saktësisht është kënga ”Unë me ty nuk jam tani” e cila titullohet Dashnia ime.
Toney: Okay.
Orgito: Pata nisur në studio në Tiranë te disa miqtë e mi. Më pëlqeu melodia shumë, që i falenderoj çunat Samuelin dhe Zanin për melodinë aq të bukur. Po ashtu edhe për tekstin e mrekullueshëm se teksti ka të bëjë shumë. Gëzim Mneri është një ndër tekstshkruesit më të mirë në Tiranë, në Shqipëri. Edhe e nxora këtë këngën. Në fillim nuk pati ndonjë bujë të madhe, të them të drejtën më ka ecur pas gjashtë muajsh diçka e tillë shtatë muajsh.
Toney: Çfarë ka qenë game changer? Kush ta ka bërë?
Orgito: Po do ta them unë.
Toney: Po më fal se të pengova.
Orgito: Unë bëja cover në TikTok. Sa patë dalë Tiktok-u në atë kohë? Mos gabohem, 2022, Covidit kështu. Po po 2022, sa kishte hyrë 2023. Isha në shkollë tek liceu artistik në Tiranë. Bëja cover shpesh me këngë të shumë. Por asnjëherë s’kisha bërë me këngën time. Unë pata shumë video viralite në Tiktok. Po në atë kohë domethënë me të një video 1 milion në Tiktok ishte goxha, unë isha artist i ri. Dal njëherë në shtëpi thashë ta provoj të bëj këngën time cover me kitare, se unë i bie kitarës. Pata flej të herët se isha për shkollë mëngjes, edhe zgjohem mëngjes për të ik për shkollë, kur shoh videon 300.000 view. Në 10 të darkës e kisha postuar. Zgjohem në 7 të mëngjesit me ik në shkollë. Shoh videon 300.000 views. Qejfi im o vëlla. Se është gjë tjetër kur është kënga e Toney-t për shembull dhe kur është kënga ime. I gjithë liceu, na ka dalë kënga jote shumë e bukur, kur e ke pas bë, se kemi ni. Ndërkohë që Elai e merr si sampëll e quajmë ne, merr zërin tim edhe e punon në studio, por që nuk e njihja personalisht as kisha folur ndonjëherë, edhe e poston në story në Instagram. Mua ma çojnë miqtë e mi. Unë jam tepër modest, më falni por të them të drejtën nuk është se e njihja se nuk e ndiqja shumë atë muzikë. Kjo ishte totalisht. Unë merrja me komercialet shumë të them të drejtën. Edhe unë i shkruaj mesazh direkt në Instagram. Vëlla si je? Jam jam tepër, i sinqertë, të flas shumë hapur. Thashë shumë e bukur. Po tag nuk ke mundësi të bësh? Si me si me kunj. E ke parasysh? O më fal tha vëlla direkt më bëri tag.
Vazhdoj duke ec. E morën nga story në Instagram se duhet të jem pak i përpiktë te kjo gjëja ta shpjegoj, dhe e postuan në Tiktok. Ndërkohë saundi im dhe Elait vazhdoi duke ec. Shumë mirë kishte marrë. Ndërkohë pata ni dy çuna nga Kosova, Flamuri dhe Iliri.
Toney: Kush janë ata?
Orgito: Janë dy këngëtarë të Kosovës. Bëshin cover si puna ime. I patë të hec atyre goxha. Por rastësisht kishin bërë këngën time tre çuna. Ajo e pushtoi Tiktok-un. E pushtoi. Mori shumë domethënë dhe në karrierën e tyre i bëri shumë punë ajo gjë. Por dhe mua më ka bërë shumë punë.
Toney: Të kanë kthyer në origjinë.
Orgito: Pastaj shkruajti Eli mbas kësaj gjëje. Orgito a do ta bëjmë tha këngën për YouTube, Spotify ta nxjerri? Po tha nuk do ta xhiroj. E bëjmë thjesht kështu.
Tha unë e kam vokalin tënd tha mua. Nuk është e nevojshme që të shkosh në studio ta hedhësh. Thjesht kështu siç e kam, ta postoj. Po ta postoj. Okej. Në rregull. Në rregull. Ram dakort disi, u postua kënga edhe di të them që ajo këngë ma ka ndryshuar jetën edhe akoma sot e kësaj dite kur krendoj nëpër club vetë. Ajo është kënga që si ta them është pashaporta ime.
