Spitali i Prizrenit tregon se 26-vjeçarja u lirua pas ekzaminimeve, por u kthye pas disa orësh pa shenja vitale

Spitali i Përgjithshëm në Prizren ka dhënë detaje lidhur me vdekjen e 26-vjeçares, e cila dyshohej se kishte gëlltitur një qese me substancë narkotike.

Sipas njoftimit të spitalit, 26-vjeçarja ishte dërguar nga Policia e Kosovës në Emergjencë rreth orës 19:00 të së dielës, me dyshimin se kishte gëlltitur një qese që përmbante substancë narkotike.

Me rastin e pranimit, asaj i ishin kryer disa ekzaminime mjekësore, përfshirë radiografinë e traktit torako-abdominal, ultrazërin e abdomenit dhe ekzaminimin gjinekologjik.

Spitali bën të ditur se në bazë të rezultateve nuk ishin evidentuar gjetje pozitive dhe se pacientja kishte qenë në gjendje stabile shëndetësore. Pas vlerësimit mjekësor, ajo ishte liruar nga Emergjenca.

Megjithatë, rreth orës 00:45, 26-vjeçarja është sjellë sërish në Emergjencë, këtë herë nga ekipi i Urgjencës dhe nën përcjelljen e Policisë së Kosovës, pa shenja vitale.

Sipas spitalit, ekipi mjekësor ka ndërmarrë menjëherë masat e reanimimit kardiopulmonar dhe ka konsultuar mjekun anesteziolog, por, pavarësisht përpjekjeve, pacientja ka ndërruar jetë.

Spitali ka shprehur keqardhje për rastin tragjik dhe ngushëllime për familjen e 26-vjeçares.

Po ashtu, ka theksuar se rrethanat e ngjarjes duhet të sqarohen nga organet kompetente, duke shprehur gatishmërinë për bashkëpunim dhe për të ofruar të gjithë dokumentacionin e nevojshëm.

Policia jep detaje për vdekjen e gruas që u ndalua në Vërmicë nën dyshimin për narkotikë

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika