
Jude Bellingham dhe Marc Cucurella pritet të përballen me një situatë jo fort komode në rikthimin te Real Madridi, pas tensioneve të krijuara mes tyre gjatë ndeshjes Angli–Spanjë. Mesfushori anglez nuk e fshehu zemërimin ndaj mbrojtësit spanjoll, pas një episodi që shkaktoi polemika në fushë.
Ndeshja mes Anglisë dhe Spanjës dhuroi jo vetëm spektakël futbollistik, por edhe momente të forta tensioni mes dy futbollistëve që në nivel klubesh janë bashkëlojtarë.
Në qendër të vëmendjes ishte Jude Bellingham, i cili reagoi ashpër ndaj Marc Cucurellës, pasi ky i fundit pretendoi se ishte penguar nga Elliot Anderson dhe më pas përfundoi në tokë pas kontaktit mes tyre.
Situata u tensionua edhe më shumë pak para përfundimit të pjesës së parë, kur Anglia fitoi një penallti. Spanjollët kërkuan ndërhyrjen e VAR-it, duke pretenduar se kishte faull në aksionin që parapriu vendimin e arbitrit.
Megjithatë, gjyqtarët nuk e ndryshuan vendimin dhe Harry Kane u tregua i saktë nga pika e bardhë, duke kaluar Anglinë në avantazh. Bellingham, i irrituar nga sjellja e Cucurellës, iu afrua mbrojtësit spanjoll, i drejtoi gishtin dhe dukshëm i tha disa fjalë, përpara se të largohej nga vendi i ngjarjes.
Reagimi i mesfushorit anglez nuk kaloi pa u vënë re nga tifozët, të cilët komentuan me humor dhe habi faktin se dy futbollistët, që ndajnë të njëjtën dhomë zhveshjeje në nivel klubesh, u shfaqën në krahë të kundërt gjatë përballjes ndërkombëtare.

