Alarm te Juventusi për Edon Zhegrovën, priten rezultatet e kontrolleve mjekësore

Juventusi është në ankth për gjendjen fizike të Edon Zhegrovës, i cili ka pësuar një lëndim gjatë grumbullimit me Kombëtaren e Kosovës.

Sipas raportimit të gazetës italiane “Tuttosport”, klubi torinez është në pritje të rezultateve të ekzaminimeve mjekësore, të cilat do të përcaktojnë seriozitetin e lëndimit të futbollistit kosovar.

Zhegrova është liruar nga grumbullimi i Dardanëve dhe nuk do të jetë në dispozicion të përzgjedhësit Franco Foda për ndeshjen e së martës ndaj Irlandës në Dublin.

Anësori kosovar pritet të rikthehet në Torino, ku do t’u nënshtrohet kontrolleve të detajuara nga stafi mjekësor i Juventusit.

Rezultatet e ekzaminimeve do të përcaktojnë nëse Zhegrova do të ketë nevojë vetëm për pushim apo për trajtim të mëtejshëm, si dhe kohën e mundshme të rikuperimit.

“Tuttosport” thekson se ky zhvillim është një tjetër lajm shqetësues për Juventusin, që tashmë po përballet me mungesa të shumta për shkak të lëndimeve.

Për momentin, mbetet e paqartë sa kohë mund të qëndrojë jashtë fushave Zhegrova, ndërsa te “Zonja e Vjetër” shpresojnë që lëndimi i tij të mos jetë serioz.

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika