Shkëlzen Gashi ka reaguar ndaj këndimit të një kënge ultranacionaliste serbe në hapje të Forumit të Zgjerimit të BE-së. Në këngë, Kosova paraqitet si trashëgimi e Serbisë.
Analisti i ka kërkuar Marta Kos të shpjegojë përse Kosova nuk u përfaqësua në nivel politik në forum. Ai kërkon gjithashtu të bëhet e ditur kush e përzgjodhi dhe kush e miratoi këngën.
Të lidhura
None found
Në reagimin e tij, Gashi vë në dukje se kënga u interpretua në një aktivitet kushtuar së ardhmes së përbashkët europiane. Ai ngre pyetjen nëse BE-ja po e konsideron vendin e Kosovës brenda Serbisë, ashtu siç paraqitet në këngë.
Sipas Gashit, një kërkimfalje nuk është e mjaftueshme. Ai shtron edhe mundësinë që Kosova të rishqyrtojë pjesëmarrjen në dialogun me Serbinë, të ndërmjetësuar nga BE-ja.





