Gjykata e Tiranës ka kaluar për gjykim çështjen në ngarkim të Elvis Shkambit, i akuzuar për vrasjen e gjyqtarit të Apelit, Astrit Kalaja. Përveç tij me drejtësinë do të përballen edhe xhaxhai Gjon Shkambi dhe Banush Koxhaj. Elvis Shkambi akuzohet për veprat penale "Vrasje e funksionarëve publikë", "Vrasje në rrethana të tjera cilësuese" e mbetur në tentativë dhe "Armëmbajtje pa leje". Ndërkohë, xhaxhai i tij Gjon Shkambi është marrë i pandehur dhe do të gjykohet për akuzën e "Vrasjes në rrethana të tjera cilësuese", ndërsa punonjësi i sigurisë së gjykatës Banush Koxhaj është dërguar për gjykim nën akuzën e "Shpërdorimit të detyrës".