Brajan Gruda e ka pritur gjatë Gjermaninë. Dhe menjëherë ka dëshmuar se është plotësisht i denjë për njërën prej përfaqësueseve më të mëdha të futbollit në botë.
22-vjeçari shqiptar të hënën shkëlqeu në fitoren 5:0 të Gjermanisë ndaj Holandës, në kuadër të xhiros së fundit të Ligës së Kombeve. Sulmuesi i krahut, që po paraqitet në të djathtë, asistoi në dy gola dhe realizoi një tjetër. Pati paraqitje impresive dhe u përqafua gjatë nga selektori gjerman, Jurgen Klopp, kur la fushën në minutën e 82-të.
Gruda shënoi në debutim për Gjermaninë, tri ditë më parë ndaj Serbisë. Dhe të hënën mbrëma dëshmoi se mund të jetë prej yjeve të mëdha të Gjermanisë.
Gjermania e ka shkatërruar Holandën në ndeshjen në stadiumin e stërmbushur në Berlin.
Derry Scherhant e shënoi golin e parë në minutën e 41-të.
Për 2:0 realizoi Florian Wirtz në minutën e 60-të. Gruda asistoi për Nico Schlotterbeck që shënoi për 3:0 në minutën e 65-të. Asistim edhe më të bukur bëri në minutën e 71-të, kur Wirtz shënoi për 4:0. Dhe shqiptari realizoi për 5:0 në minutën e 77-të.
Edhe
Kloppi lavdëron Grudën pas shkëlqimit ndaj Serbisë në Beograd
Tri ditë më parë Holanda fitoi 7:0 ndaj Greqisë. Por ndaj gjermanëve ishte pa gjasa. Gjermania e Kloppit nisi ngadalë në Ligën e Kombeve, por përfundoi furishëm.
Kalon në çerekfinale si e para e Grupit A2. Holanda po ashtu avancon në çerekfinale nga vendi i dytë.
Greqia mbetet jashtë çerekfinales, ndonëse pati kampanjë të suksesshme dhe mblodhi 11 pikë, sa edhe Gjermania e Holanda. Vendosi bilanci në ndeshjet e ndërsjella në mes të këtyre tri përfaqësueseve.
Të hënën mbrëma, Greqia fitoi 1:0 ndaj Serbisë.
Gruda shënon gol, Gjermani – Holandë, 5:0
Pas dy asistime, Brajan Gruda realizoi edhe gol të hënën mbrëma kundër Holandës.
Gruda golin për 5:0 e shënoi në minutën e 77-të.
Ai u largua në minutën e 82-të mes duartrokitjeve të shikuesve të pranishëm në stadiumin e Berlinit.
VIDEO
— TGZ0056 (@TGZ0056) November 16, 2026
Gruda me dy asistime për Gjermaninë
Futbollisti shqiptar Brajan Gruda ka asistuar për golin e tretët dhe të katërtin të Gjermanisë ndaj Holandës.
Gruda fillimisht asistoi për golin e shënuar në minutën e 65-të nga Nico Schlotterbeck dhe në minutën e 71-të për Florian Wirtzin.
Gjermania po fiton 4:0 ndaj Holandës.
— TGZ0056 (@TGZ0056) November 16, 2026
— TGZ0056 (@TGZ0056) November 16, 2026
Tjetër supergol në Berlin
Holanda e “shkatërron” Greqinë, fiton 7:0
Gjermania e ka shënuar edhe golin e dytë kundër Holandës.
Supergol për gjermanët shënoi Florian Wirtz.
Ai u lirua nga një mbrojtës holandez, ndërsa me goditje të saktë në minutën e 60-të shënoi gol për 2:0.
— TGZ0056 (@TGZ0056) November 16, 2026
Gjermania në epërsi pas pjesës së parë
Gjermania e ka mbyllur me epërsi 1:0 pjesën e parë të ndeshjes kundër Holandës.
Golin e vetëm në pjesën e parë për Gjermaninë e shënoi Derry Scherhant.
Ai realizoi supergol për epërsinë e gjermanëve në minutën e 41-të.
Ndeshja Gjermani – Holandë po luhet në Berlin dhe i takon Grupit A2.
Ndërkohë pjesa e parë e ndeshjes tjetër të grupit ndërmjet Greqisë dhe Serbisë është mbyllur baras, 0:0.
Gjermania kalon në epërsi me supergolin e Scherhantit
Derry Scherhant ka shënuar supegol për epërsinë e Gjermanisë kundër Holandës.
Scherhant realizoi golin për 1:0 në minutën e 41-të.
Ndeshja Gjermani – Holandë po luhet në Berlin dhe i takon Grupit A2.
Gruda sërish titullar te Gjermania
Futbollisti i talentuar shqiptar, Brajan Gruda, do të paraqitet nga minuta e parë për Gjermaninë në ndeshjen kundër Holandës.
Ndeshja Gjermani – Holandë luhet sonte nga ora 20:45 në Berlin dhe i takon Grupit A2 të Ligës së Kombeve.
Edhe
Gruda shënon në Beograd, Gjermania fiton ndaj Serbisë
Gruda shënoi një gol në fitoren 3:1 të Gjermanisë ndaj Serbisë në ndeshjen e kaluar në Beograd.
Holanda është në vendin e parë me 11 pikë. Greqia e Gjermania kanë nga tetë pikë, kurse Serbia është e fundit pa pikë.
