Tuesday / November 17 / 2026
Revista Monitor Logo
hamburger menu icon

mbyll

close icon
Ads
Lajmet Kryesore Nga Vendi

Tenderat publikë, nga 2 dhjetori ndryshon deklarata e konfliktit të interesit

Share Share Icon

Për të gjithë tenderat publikë që shpallen nga 2 dhjetori 2026 do të përdoret deklarata e rishikuar për konfliktin e interesit.

Agjencia e Prokurimit Publik (APP) njoftoi ndryshimin për autoritetet dhe entet kontraktore, si dhe operatorët ekonomikë. Sipas APP data që përcakton përdorimin e formularit të rishikuar është ajo e shpalljes së procedurës.

Në njoftimin e saj, APP-ja përcakton se deklarata duhet të përdoret “për të gjitha procedurat e prokurimit që do të shpallen nga data 2 Dhjetor 2026 e në vijim”.

Deklarata nuk është një dokument më vete por është “pjesë integrale e Formularit Përmbledhës të Vetëdeklarimit”, që përfshihet në Dokumentet Standarde të Tenderit.

Ndryshimet në formular u miratuan me vendimin nr. 06, datë 11 nëntor 2026.

Krahas rishikimit të formularit, APP-ja ka përditësuar edhe udhëzimin për deklarimin e konfliktit të interesit nga zyrtarët dhe nëpunësit.

Udhëzimi nr. 01, datë 11 nëntor 2026, e përcakton fushën e deklarimit si “në procesin e prokurimit dhe zbatimin e kontratës”. Pra, udhëzimi mbulon edhe fazën pas përfundimit të procedurës së prokurimit, kur kontrata zbatohet.

Sipas njoftimit, përditësimet u ndërmorën në bashkëpunim me Inspektoratin e Lartë të Deklarimit dhe Kontrollit të Pasurive dhe Konfliktit të Interesave, pas miratimit të ligjit nr. 23/2026 për parandalimin e konfliktit të interesit në ushtrimin e funksioneve publike. APP-ja nënvizon se rishikimi mori parasysh ndikimin e ligjit të ri në prokurimin publik.

Për përditësimin e akteve, agjencia i referohet neneve 19 dhe 23 të ligjit nr. 162/2020 “Për Prokurimin Publik” dhe vendimit të Këshillit të Ministrave nr. 285, datë 19 maj 2021, për rregullat e prokurimit publik.

Ndër të tjera në njoftim, APP-ja orienton palët te rubrika “Legjislacioni”, në seksionin “Prokurimi Publik”. Udhëzimi për zyrtarët dhe nëpunësit gjendet tek “Udhëzime”, ndërsa formulari i rishikuar gjendet te “Dokumentet standarde të tenderit”, sipas llojit të kontratës dhe procedurës përkatëse të prokurimit./ M.Maho

 

Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

Leave a Reply

Your email address will not be published. Required fields are marked *

Ekskluzive Monitor Top 1,000

Publikohen për herë të parë treguesit financiarë të 1000 kompanive më të mëdha në vend. Renditja e grupeve kryesore!

Eksploro Top List
Live Now

Lajme të Ngjashme

Tatimet: Fermerët s’humbasin kompensimin 10% të këtij viti, edhe nëse kalojnë me TVSH në 2027

Për furnizimet e kryera gjatë vitit 2026 fermerët nuk do të humbasin të drejtën për të përfituar kompensimin 10% të TVSH-së, edhe në rast se nga 1 ...

15 hours më parë 3 Min Lexim

Qeveria propozon gjoba deri në 2,5% të xhiros për shkeljet e sigurisë kibernetike

Qeveria propozon gjoba deri në 15 milionë lekë për shkeljen e kërkesave bazë të sigurisë kibernetike për pajisjet dhe softuerët, si dhe për mosresp...

15 hours më parë 3 Min Lexim
Ads
collaps icon

Rrisni limitin e artikujve në 400 në muaj FALAS! Regjistrohu Falas!

Rrisni limitin e artikujve në 400 në muaj FALAS!

Si përdorues i paregjistruar, mund të lexoni vetëm 200 artikuj në muaj. Mund ta rrisni këtë limit duke krijuar një llogari FALAS në faqen tonë.

Regjistrohu FALAS!