Situata nga reshjet në Shkodër, dëmtohet një urë në Shalë, rrëshqitje dherash në Fushë-Arrëz
Reshjet e shiut të regjistruara gjatë orëve të fundit në qarkun Shkodër kanë shkaktuar disa problematika në infrastrukturë, ndërsa situata në tërësi paraqitet e qëndrueshme.
Sipas informacionit të Prefekturës së Qarkut Shkodër, në Bashkinë Shkodër, si pasojë e rritjes së prurjeve të përrenjve, është dëmtuar ura në Grykën e Nërshqemit, në fshatin Breg Lumi, në Njësinë Administrative Shalë.
Ndërkohë, në Bashkinë Fushë-Arrëz janë evidentuar rënie gurësh dhe rrëshqitje dherash në disa akse rrugore rurale. Strukturat përgjegjëse janë angazhuar për pastrimin e rrugëve dhe normalizimin e qarkullimit.
Në bashkitë Malësi e Madhe dhe Vau i Dejës nuk raportohen problematika deri në këto momente.
Gjatë 24 orëve të fundit në territorin e qarkut janë regjistruar rreth 65 milimetra reshje shiu. Pavarësisht prurjeve, nivelet e lumit Drin dhe të liqenit vijojnë të jenë nën kuotat e riskut, ndërsa hidrovorët janë funksionalë dhe në gatishmëri.
Prefektura e Qarkut Shkodër bën me dije se monitorimi i situatës vijon në mënyrë të pandërprerë, në koordinim me bashkitë dhe strukturat e Mbrojtjes Civile, me qëllim garantimin e sigurisë së qytetarëve dhe ndërhyrjen në kohë në rast të problematikave të reja.
Autoritetet u bëjnë thirrje qytetarëve të tregojnë kujdes të shtuar gjatë lëvizjes, veçanërisht në zonat malore dhe në akset rrugore ku janë evidentuar rrëshqitje dherash dhe rënie gurësh.
Çfarë do bëjë Spiropali, betejë nga brenda apo përballë Ramës? Analisti zbulon bidedat me deputetët e PS
A u votua largimi i Spiropalit? Kikia debat me Bidon: U votua apo nuk u votua?
Spiropali u përjashtua edhe nga Grupi Parlamentar i PS? Deputeti Bido e le të hapur: Ja kur vendoset
- 09:21 “Rrezik për sulme terroriste” SHBA paralajmëron amerikanët në Evropë: Tregoni vigjilencë gjatë festave të fundvitit
- 09:20 Thaçi reagon para vendimit të Hagës: Sonte ora ka ndryshuar…
- 09:12 Grabitje e armatosur në Gjakovë, arrestohen 2 të dyshuarit, sekuestrohen armët dhe paratë
- 09:03 Zbardhen detaje nga aksidenti tragjik në Gjermani ku humbën jetën dy të rinj nga Rahoveci
- 08:55 Akuzat për ndërhyrje në dëshmi, Gjykata Speciale shpall sot aktgjykimin ndaj Hashim Thaçit
- 08:49 Netanyahu kritikon udhëheqësit evropianë: Irani është kërcënim, “nuk jeni spektatorë, por shënjestër” (VIDEO)