EMRI/ Arrestohet oficeri i policisë në Kavajë, akuzohet për korrupsion

EMRI/ Arrestohet oficeri i policisë në Kavajë, akuzohet për korrupsion

21:46, 17/11/2026
ZMADHO TEKSTIN
+ Aa -

Një punonjës i Policisë së Kavajës është prangosur mbrëmjen e sotme, pasi dyshohet për shpërdorim detyre dhe korrupsion pasiv gjatë ushtrimit të funksionit.

Ndaj 36-vjeçarit nga Durrësi Andi Cani, Gjykata e Durrësit pati caktuar, paraprakisht në mungesë, masën e sigurisë ‘Arrest në burg’, në kuadër të hetimeve të Prokurorisë së Durrësit për veprat penale ‘Shpërdorimi i detyrës’ dhe ‘Korrupsioni pasiv i personave që ushtrojnë funksione publike’, të parashikuara nga nenet 248 dhe 259 të Kodit Penal.

Sipas vendimit gjyqësor, gjykata ka vlerësuar se dyshimet për këto vepra penale dhe rrezikshmëria shoqërore e paraqitur nga rrethanat e çështjes e bëjnë të papërshtatshme caktimin e një mase më të lehtë sigurie.

Për këtë arsye, ka vendosur arrestimin në burg të efektivit.

Agjencia e Mbikëqyrjes Policore bën me dije se ka ekzekutuar urdhrin e Prokurorisë së Durrësit për zbatimin e masës së sigurisë ndaj punonjësit të rolit bazë në Komisariatin e Policisë Kavajë. Hetimet vijojnë për dokumentimin e plotë të veprimtarisë së dyshuar penale.

© SYRI.net

Lexo edhe:

Denonco