Iu gjet drogë në qeli, procedohet penalisht i burgosuri në Fier

18 Nëntor 2026 | 08:20

Agjencia e Mbikëqyrjes në Sistemin e Ekzekutimit të Vendimeve Penale ka dalë me një njoftim zyrtar në lidhje me një sasi të dyshuar lënde narkotike, të gjetur dhe sekuestruar në burgun e Fierit ditën e martë.

Sipas njoftimit, më 17 nëntor 2026, AMSEVP, në bashkëpunim me Institucionin e Ekzekutimit të Vendimeve Penale Fier, ka ushtruar një kontroll për sende të ndaluara, gjatë të cilit është konstatuar një sasi e dyshuar lënde narkotike e llojit cannabis sativa, e ndarë në katër porcione.

“Lënda e dyshuar narkotike është gjetur në dhomën e një të burgosuri me inicialet L. K.”, thuhet në njoftim.

Pas kryerjes së veprimeve të para procedurale, AMSEVP ka dërguar materialet në Prokurorinë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

“I burgosuri do të procedohet penalisht në gjendje të lirë për veprat penale “Futja ose mbajtja e sendeve të ndaluara në institucionin e ekzekutimit të vendimeve penale” dhe “Prodhimi dhe shitja e narkotikëve”, të parashikuara nga nenet 324/a dhe 283/1 të Kodit Penal”, njofton Agjencia e Mbikëqyrjes në Sistemin e Ekzekutimit të Vendimeve Penale.

Home Kryefaqja
Shiko në: YouTube
Lajme të Sugjeruara

Qori i prerë: Nuk ulem në tryezë me Berishën! Gjin Gjoni: Slogane bolshevike

Një diskutim është zhvilluar në emisionin “Now” në Euronews Albania, mes kreut të Lëvizjes Bashkë, Arlind Qori dhe deputetit demokrat, Gjin Gjoni. Qori ka përjashtuar...
22:27 | 17/11/2026

“Partia Mundësia nuk do të marrë pjesë në Komisionin e Reformës Zgjedhore”, Doda jep lajmin dhe zbulon arsyen

E ftuar në emisionin Now me Erla Mëhillin, sekretarja e përgjithshme e partisë Mundësia, Barbara Doda, ka përjashtuar çdo mundësi dialogu apo bashkëpunimi me kryeministrin...
21:59 | 17/11/2026

“Ti je fajtor që studentët dalin në protestë”, Qori: Ja si e rrahën policët kolegun tim pedagog

I ftuar në emisionin Now me Erla Mëhillin, kreu i Lëvizjes Bashkë, Arlind Qori, ka denoncuar rastin e dhunimit të kolegut të tij nga policia...
21:44 | 17/11/2026