Wednesday / November 18 / 2026
Revista Monitor Logo
hamburger menu icon

mbyll

close icon
Ads
Azi Bota

Xi dhe Putin kundër sanksioneve, përpara takimit me Trump

Share Share Icon

Presidenti kinez Xi Jinping u zotua të kundërshtojë proteksionizmin tregtar, ndërsa homologu i tij rus, Vladimir Putin, kritikoi sanksionet perëndimore, në prag të një takimi trepalësh me presidentin amerikan Donald Trump.

Dy udhëheqësit mbajtën fjalime në samitin e Bashkëpunimit Ekonomik Azi-Paqësor (APEC), në qytetin kinez Shenzhen, përpara mbërritjes së Trump nga Manila.

Takimi i tre liderëve, i parashikuar për të enjten, pritet të trajtojë luftërat në Ukrainë dhe Iran, si dhe çështje të tjera të rëndësishme, përfshirë tregtinë ndërkombëtare, inteligjencën artificiale dhe armët bërthamore.

Në fjalimin e tij, Xi bëri thirrje për mbështetjen e tregtisë së lirë dhe investimeve ndërkombëtare, duke u përpjekur ta paraqesë Kinën si një partner të qëndrueshëm ekonomik, në kontrast me politikat tarifore të Shteteve të Bashkuara.

Deklaratat e tij vijnë pasi Uashingtoni njoftoi kufizime të mëtejshme për aksesin e Kinës në çipat e avancuar të inteligjencës artificiale, përfshirë teknologjitë e kompanive si Nvidia. Pekini ka paralajmëruar masa kundërpërgjigjeje.

Partnerët tregtarë perëndimorë e kanë kritikuar Kinën për suficitin e saj tregtar vjetor, që tejkalon 1 trilion dollarë, dhe për politikat që favorizojnë prodhimin vendas. Sipas tyre, dominimi i Kinës në zinxhirët globalë të furnizimit mund të përdoret edhe si instrument ndikimi gjeopolitik.

Xi deklaroi se Kina do të vazhdojë investimet në industri dhe teknologji, do të ulë tarifat dhe do të hapë më tej tregjet e saj.

Ndërkohë, Putin argumentoi se sanksionet perëndimore nuk kanë arritur ta dobësojnë ekonominë ruse. Ai kritikoi përdorimin e tarifave dhe kufizimeve të eksportit si instrumente presioni ekonomik, duke theksuar se ato nuk mund të ndalojnë zhvillimin e ekonomive konkurruese.

Takimi i pritshëm mes Xi, Putin dhe Trump ka nxitur krahasime me Konferencën e Jaltës të vitit 1945, kur fuqitë e mëdha përcaktuan pjesë të rendit ndërkombëtar të pasluftës.

Këto krahasime kanë shtuar shqetësimet e vendeve më të vogla, veçanërisht në Europë dhe Azi, se marrëveshjet mes fuqive të mëdha mund të arrihen pa marrë parasysh interesat e tyre të sigurisë.

Megjithatë, analistët presin që marrëdhëniet ekonomike mes Uashingtonit dhe Pekinit të mbeten relativisht të qëndrueshme, pavarësisht tensioneve tregtare dhe teknologjike./REUTERS

Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

Leave a Reply

Your email address will not be published. Required fields are marked *

Ekskluzive Monitor Top 1,000

Publikohen për herë të parë treguesit financiarë të 1000 kompanive më të mëdha në vend. Renditja e grupeve kryesore!

Eksploro Top List
Live Now

Lajme të Ngjashme

Itali, Revolut nën administrim gjyqësor, shkak mangësitë në luftën kundër pastrimit të parave

Masa ndaj bankës dixhitale u kërkua nga Prokuroria e Milanos, në kuadër të një hetimi të Guardia di Finanza. Sipas hetuesve, mangësitë në sistemet ...

1 day më parë 6 Min Lexim

Rrjedhin 15 milionë dokumente të Deutsche Bank, zbulohen skandale dhe transaksione të dyshimta

Një rrjedhje masive dokumentesh të brendshme të Deutsche Bank zbuluan shkelje, paaftësi, premtime të pambajtura për reforma dhe sekrete të disa pre...

1 day më parë 6 Min Lexim
Ads
collaps icon

Rrisni limitin e artikujve në 400 në muaj FALAS! Regjistrohu Falas!

Rrisni limitin e artikujve në 400 në muaj FALAS!

Si përdorues i paregjistruar, mund të lexoni vetëm 200 artikuj në muaj. Mund ta rrisni këtë limit duke krijuar një llogari FALAS në faqen tonë.

Regjistrohu FALAS!