Lëvizte me pushkë automatike në makinë, arrestohet 22-vjeçari në Cërrik, në hetim edhe pasagjeri
Një 22-vjeçar është arrestuar në flagrancë në Cërrik, pasi u kap duke lëvizur me armë zjarri në automjetin që drejtonte. Në kuadër të operacionit të koduar “Mesnata”, policia ka sekuestruar një pushkë automatike, 15 fishekë, automjetin dhe dy telefona celularë.
Sipas njoftimit të Policisë, operacioni u finalizua pas informacioneve të siguruara në rrugë operative se një shtetas lëvizte i armatosur në mesnatë, në lagjen nr. 3 të Cërrikut.
Gjatë kontrollit të automjetit, në bagazh u gjet një armë zjarri, pushkë automatike, e cila dyshohet se posedohej pa leje nga drejtuesi i mjetit, shtetasi F. M., 22 vjeç, banues në Pogradec. Ndërkohë, gjatë kontrollit fizik, atij iu gjetën edhe fishekë luftarakë.
Në automjet ndodhej edhe një 22-vjeçar tjetër, shtetasi R. B., gjithashtu banues në Pogradec, i cili është proceduar në gjendje të lirë për veprën penale të moskallëzimit të krimit, pasi dyshohet se kishte dijeni për veprimtarinë e paligjshme.
Në përfundim të operacionit, policia sekuestroi në cilësinë e provës materiale armën e zjarrit, 15 fishekët, automjetin dhe dy celularët.
Materialet procedurale i janë referuar Prokurorisë së Elbasanit për veprime të mëtejshme.
6 të plagosur nga përplasja e dy automjeteve në Shkodër-Koplik, policia informacion zyrtar
Rama në Kuvend: Ulim TVSH-në në 6% për 54 produkte ushqimore, 150 milionë euro lehtësim për familjet
Berisha në Kuvend: Shqiptarët janë më të varfrit në Evropë, Rama: Po të bien pantallonat po ik tani
- 11:49 6 të plagosur nga përplasja e dy automjeteve në Shkodër-Koplik, policia informacion zyrtar
- 11:44 Rama për rindërtimin në Tiranë: Prej dy vitesh Bashkia është pa kokë, fondet ende të papërdorura
- 11:42 Protesta në Greqi, merren masa disiplinore ndaj policit që goditi protestuesin me shkop gome në Athinë
- 11:38 Berisha: Unë kam durim, i ftoj sërish të gjithë faktorët opozitarë që të bashkohemi kundër Edi Ramës
- 11:25 Rama në Kuvend: Ulim TVSH-në në 6% për 54 produkte ushqimore, 150 milionë euro lehtësim për familjet
- 11:25 Rama prezanton buxhetin 2027: Dyfishim i bonusit për pensionistët dhe ligj i ri strehimi për të rinjtë