Wednesday / November 18 / 2026
Revista Monitor Logo
hamburger menu icon

mbyll

close icon
Ads
Lajmet Kryesore Nga Vendi

Metoda e Eurostat për inflacionin, rritje më të lartë të çmimeve të ushqimeve në tetor 4,4%

Share Share Icon

Inflacioni në Shqipëri arriti në 3,5% në tetor 2026 sipas Indeksit të Harmonizuar të Çmimeve të Konsumit (IHÇK), që ndjek metodologjinë e Eurostat-it për krahasimet europiane.

Treguesi ishte pak më i lartë se matja kombëtare e INSTAT-it e nxori inflacionin në 3,4% në muajin tetor.. Diferenca ishte më e dukshme te ushqimet dhe pijet joalkoolike, me rritje vjetore të çmimeve prej 4,4% sipas indeksit të harmonizuar dhe 4,0% sipas indeksit kombëtar.

Dy matjet dhanë ritme të ndryshme edhe në krahasimin me shtatorin. Çmimet e konsumit u rritën me 0,8% gjatë muajit sipas indeksit të harmonizuar dhe me 0,5% sipas matjes kombëtare. Për ushqimet dhe pijet joalkoolike, rritja mujore ishte përkatësisht 2,1% dhe 1,2%.

Indeksi i harmonizuar dhe ai kombëtar mbështeten në çmimet e mbledhura në të njëjtat njësi tregtare, sipas INSTAT-it. Ndryshimet në mbulimin dhe në peshat e shpenzimeve japin norma të ndryshme inflacioni. Në indeksin e harmonizuar, peshat pasqyrojnë shpenzimet e konsumit në territorin e Shqipërisë, përfshirë ato të vizitorëve të huaj.

Inflacioni i harmonizuar u përshpejtua nga 2,7% në shtator në 3,5% në tetor. Ushqimet dhe pijet joalkoolike dhanë 1,53 pikë përqindjeje, ose rreth 44% të inflacionit vjetor të tetorit.

Çmimet e grupit “Argëtim, sport dhe kulturë” u rritën me 9,8% dhe i shtuan inflacionit 0,63 pikë përqindjeje. Transporti u shtrenjtua me 6,9% dhe kontribuoi me 0,58 pikë. Të dy grupet patën rritje më të forta të çmimeve, ndërsa ushqimet, për shkak të peshës më të madhe në shportën e konsumit, ndikuan më shumë në normën e përgjithshme.

Sipas krahasimit të publikuar nga INSTAT-i, inflacioni i harmonizuar në Bashkimin Europian arriti në 4% në tetor, kundrejt 3,5% në Shqipëri.

Inflacioni i harmonizuar në Shqipëri arriti në 3,5% në tetor, kundrejt 4,0% në Bashkimin Europian. Sipas krahasimit të publikuar nga INSTAT-i, diferenca ishte 0,5 pikë përqindjeje.

Brenda BE-së, ritmet e rritjes së çmimeve ndryshonin ndjeshëm nga një vend në tjetrin.
Rumania kryesonte me 7%, ndërsa në Lituani inflacioni ishte mbi 6%. Greqia dhe Italia, dy prej partnerëve kryesorë tregtarë të Shqipërisë, shënuan norma mbi 5%. Në Kroaci, inflacioni ishte gjithashtu mbi mesataren e BE-së.

Në Shqipëri, rritja vjetore e çmimeve u përshpejtua nga 2,7% në shtator në 3,5% në tetor.

Ushqimet dhe pijet joalkoolike u shtrenjtuan me 4,4%, duke dhënë kontributin më të madh në inflacionin e vendit. Krahasimi me BE-në mbështetet në indeksin e harmonizuar, të llogaritur sipas metodologjisë së Eurostat-it.

 

Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

Leave a Reply

Your email address will not be published. Required fields are marked *

Ekskluzive Monitor Top 1,000

Publikohen për herë të parë treguesit financiarë të 1000 kompanive më të mëdha në vend. Renditja e grupeve kryesore!

Eksploro Top List
Live Now

Lajme të Ngjashme

Projektet e financuara me kredi dhe ndihma të huaja, rregulla të reja për raportimin financiar

Projektet që financohen përmes kredive dhe ndihmave të huaja do t’u nënshtrohen rregullave të reja të kontabilitetit dhe raportimit financiar, sipa...

2 hours më parë 2 Min Lexim

Eurostat “zbulon” paradoksin, shqiptarët rritën të ardhurat në 2025-n, por u bënë më të varfër

Ndonëse shqiptarët kishin mesatarisht më shumë të ardhura në vitin 2025, ata realisht u bënë më të varfër, pasi me këto para mund të blinin gjithnj...

6 hours më parë 5 Min Lexim
Ads
collaps icon

Rrisni limitin e artikujve në 400 në muaj FALAS! Regjistrohu Falas!

Rrisni limitin e artikujve në 400 në muaj FALAS!

Si përdorues i paregjistruar, mund të lexoni vetëm 200 artikuj në muaj. Mund ta rrisni këtë limit duke krijuar një llogari FALAS në faqen tonë.

Regjistrohu FALAS!