Close Menu
Informohu siç duhetInformohu siç duhet
    Lajmet e fundit

    Siguracion edhe për monopatinat! Ligji i ri zgjeron mbrojtjen për përdoruesit e rrugës

    Detyrim i ri për bizneset: Certifikoni çdo vit aktivitetin ose gjobë 600 euro

    Tërhiqet nga tregu çokollata Kinder Bueno White, arsyeja

    Facebook X (Twitter) Instagram
    Informohu siç duhetInformohu siç duhet
    • Aktualitet
      • Aktualitet
      • Politike
      • Ekonomi
      • Sociale
      • Fokus
    • Opinion
    • Lifestyle
      • Showbiz
      • Udhetim & Turizëm
      • Kulturë
      • Shëndet
      • Horoskopi
      • Dekor
      • Trende
      • Teknologji
    • Botë
      • Kosovë
      • Rajon
      • Botë
    • Sport
    • Troç
    Youtube
    Informohu siç duhetInformohu siç duhet
    You are at:Home » Siguracion edhe për monopatinat! Ligji i ri zgjeron mbrojtjen për përdoruesit e rrugës
    Aktualitet

    Siguracion edhe për monopatinat! Ligji i ri zgjeron mbrojtjen për përdoruesit e rrugës

    November 18, 2026
    Screenshot

    Monopatinat elektrike që plotësojnë kritere të caktuara teknike do të përfshihen në skemën e sigurimit të detyrueshëm, duke zgjeruar mbrojtjen financiare për këmbësorët, çiklistët dhe përdoruesit e tjerë të rrugës në rast aksidentesh.

    Ndryshimi parashikohet në projektligjin e ri “Për sigurimin e detyrueshëm në sektorin e transportit”, i cili zgjeron përkufizimin e mjeteve motorike për të përfshirë edhe disa kategori të mjeteve të vogla elektrike.

    Sipas nenit 3 të projektligjit, konsiderohet mjet motorik çdo mjet që lëviz në tokë me fuqi mekanike dhe ka shpejtësi maksimale të projektuar mbi 25 kilometra në orë.

    Në këtë kategori përfshihen gjithashtu mjetet me peshë neto mbi 25 kilogramë, nëse shpejtësia e tyre maksimale e projektuar është mbi 14 kilometra në orë.

    Kjo do të thotë se një monopatinë elektrike me shpejtësi maksimale të projektuar prej 30 km/orë do të klasifikohet si mjet motorik për qëllime të sigurimit të detyrueshëm, pavarësisht peshës së saj.

    Po kështu, një monopatinë që peshon 30 kilogramë dhe ka shpejtësi maksimale të projektuar prej 20 km/orë do të përfshihet në detyrimin për sigurim.

    Ndërsa një monopatinë me peshë 20 kilogramë dhe shpejtësi maksimale të projektuar prej 25 km/orë nuk do të përfshihet në këtë detyrim mbi bazën e kritereve të përcaktuara.

    Çfarë detyrimesh do të kenë pronarët e monopatinave?

    Neni 4 i projektligjit përcakton se pronari i çdo mjeti që klasifikohet si mjet motorik duhet të lidhë kontratë sigurimi të përgjegjësisë ndaj palëve të treta përpara përdorimit të tij dhe ta rinovojë atë për aq kohë sa mjeti mbetet në qarkullim.

    Për rrjedhojë, edhe pronarët e monopatinave që plotësojnë kriteret e mësipërme do të duhet të pajisen me siguracion të vlefshëm përpara se t’i përdorin ato.

    Gjatë qarkullimit, përdoruesit do të jenë gjithashtu të detyruar të mbajnë policën e sigurimit ose një dokument tjetër që provon ekzistencën e kontratës dhe ta paraqesin kur kërkohet nga autoritetet e kontrollit.

    Në rast aksidenti, drejtuesi duhet t’u japë personave të përfshirë të dhënat personale dhe informacionin mbi siguracionin, si dhe të bashkëpunojë për përcaktimin e përgjegjësisë dhe vlerësimin e dëmeve.

    Siguracioni do të mbulojë dëmet ndaj personave dhe pronës.

    Nëse përdoruesi i një monopatine të siguruar përplas një këmbësor ose çiklist dhe i shkakton dëmtime shëndetësore, kompania e sigurimit do të mbulojë përgjegjësinë për dëmshpërblimin, sipas kushteve dhe kufijve të përcaktuar në ligj.

    Mbulimi përfshin edhe dëmet materiale, si dëmtimi i një automjeti, biçiklete apo pasurie tjetër.

    Megjithatë, sigurimi i detyrueshëm i përgjegjësisë ndaj palëve të treta nuk është sigurim personal për vetë përdoruesin e monopatinës dhe nuk garanton automatikisht mbulimin e dëmtimeve të tij kur është shkaktar i aksidentit.

    Jo të gjitha monopatinat do të kenë detyrim për siguracion.

    Projektligji bën dallimin në bazë të peshës dhe shpejtësisë maksimale të projektuar të mjetit, jo thjesht faktit që ai funksionon me energji elektrike.

    Për këtë arsye, një pjesë e monopatinave të zakonshme mund të mbeten jashtë skemës, ndërsa modelet më të shpejta ose më të rënda do t’i nënshtrohen sigurimit të detyrueshëm.

    Një element i rëndësishëm është se klasifikimi varet nga karakteristikat teknike të mjetit dhe jo nga shpejtësia me të cilën ai lëviz në momentin e kontrollit.

    Projektligji parashikon gjithashtu përjashtime nga detyrimi për sigurim për kategori të caktuara mjetesh të tërhequra ligjërisht nga përdorimi ose që përdoren ekskluzivisht në zona me akses të kufizuar. Në këto raste, mbulimi i dëmeve ndaj palëve të treta parashikohet nëpërmjet Fondit të Kompensimit.

    Ndryshimi synon të përshtatë sistemin e sigurimeve me përhapjen e mjeteve të reja të transportit elektrik dhe të krijojë një mekanizëm financiar për dëmshpërblimin e personave që mund të lëndohen nga përdorimi i tyre.

    Megjithatë, projektligji nuk përcakton një tarifë të veçantë siguracioni për monopatinat elektrike. Kostoja e policës dhe hollësitë e zbatimit do të varen nga kuadri përkatës rregullator.

    Ndryshimet janë ende në fazën e projektligjit dhe do të bëhen të zbatueshme pas miratimit dhe hyrjes në fuqi të dispozitave përkatëse. /skyweb.al

    ligji i ri monopatinat Siguracion
    Share. Facebook WhatsApp
    Demo
    Postimet e reja

    Siguracion edhe për monopatinat! Ligji i ri zgjeron mbrojtjen për përdoruesit e rrugës

    November 18, 2026

    Detyrim i ri për bizneset: Certifikoni çdo vit aktivitetin ose gjobë 600 euro

    November 18, 2026

    Tërhiqet nga tregu çokollata Kinder Bueno White, arsyeja

    November 18, 2026

    Rama: Ulim TVSH-në në 6% për 54 produkte të shportës

    November 18, 2026
    Mos e humb
    Aktualitet October 16, 2026

    Kaos në aeroportin e Rinasit administruar nga Kastrati! 10 fluturime të anuluara drejt Italisë, pasagjerët pa informacion

    Kaos dhe pakënaqësi në Aeroportin Ndërkombëtar të Rinasit, i cili administrohet nga Kastrati Group, ku…

    Çfarë pritet? Ilegaliteti “ngrin” prej 10 ditësh në Shqipëri! Mbyllen bastet dhe Call Centerat, bien transaksionet me Kriptomonedha

    Dosja/ Biznesmeni Meqemeja i dha Ahmetajt 140 mijë euro! SPAK: Shpërblim për Inceneratorin e Fierit përmes shitjeve fiktive

    ALERT në Slloveni për VIPA Flips të Kosovës, kanë përmbajtje të alergjenësh. Produkti hiqet nga tregu

    Na ndiq
    • Facebook
    • Instagram
    • YouTube
    • TikTok
    RRETH NESH
    RRETH NESH

    Një shikim i thellë në botën e lajmeve, ku teknologjia dhe profesionalizmi takohen për të sjellë lajmet më të fundit dhe të rëndësishme brenda dhe jashtë Shqipërisë. Një burim i besueshëm për informacionin e saktë dhe analizat gjithëpërfshirëse.

    NIPT: M47705501A
    Email: radarlajme@gmail.com
    Kontakt: +355689008000

    HOROSKOPI

    Horoskopi 18 nëntor 2026, zbuloni parashikimet e yjeve

    Horoskopi 17 nëntor 2026, zbuloni parashikimet e yjeve

    Horoskopi 16 nëntor 2026, zbuloni parashikimet e yjeve

    Aleanca Etike e Medias
    © Radar.al. dizenjuar nga 1001solutions

    Type above and press Enter to search. Press Esc to cancel.