Guvernatori Sejko: Ekonomia shqiptare pritet të vijojë rritjen, inflacioni lehtësisht mbi objektiv në muajt në vijim

18 Nëntor 2026 | 13:20

Guvernatori i Bankës së Shqipërisë, Gent Sejko, ka deklaruar se ekonomia shqiptare pritet të vijojë të rritet me ritme të qëndrueshme gjatë periudhës afatmesme, ndërsa inflacioni parashikohet të shënojë një rritje të lehtë mbi objektivin e Bankës së Shqipërisë në tremujorët e ardhshëm.

Gjatë konferencës për shtyp për vendimmarrjen e politikës monetare, më 3 nëntor 2026, Sejko u shpreh se projeksionet ekonomike të skenarit bazë mbeten pozitive, me rritje ekonomike pranë potencialit të vendit.

Megjithatë, guvernatori theksoi se pasiguritë lidhur me këto parashikime janë shtuar, duke kërkuar një vlerësim të kujdesshëm të zhvillimeve ekonomike.

Sipas parashikimeve, inflacioni pritet të qëndrojë lehtësisht mbi objektivin në tremujorët në vijim, për t’u kthyer pranë tij në horizontin afatmesëm.

Në kushtet e këtyre zhvillimeve, Këshilli Mbikëqyrës i Bankës së Shqipërisë ka vendosur të mos ndryshojë qëndrimin e politikës monetare.

“Projeksionet ekonomike të skenarit bazë mbeten pozitive: ekonomia shqiptare pritet të rritet me ritme solide dhe pranë potencialit gjatë afatit të mesëm, ndërkohë që inflacioni parashikohet të rritet lehtësisht mbi objektiv gjatë tremujorëve në vijim dhe të kthehet pranë tij në horizontin afatmesëm. Megjithatë, pasiguritë rreth këtyre parashikimeve paraqiten të shtuara. Në këto rrethana, Këshilli Mbikëqyrës vendosi të mbajë të pandryshuar qëndrimin e politikës monetare”, deklaroi Sejko.

Home Kryefaqja
Shiko në: YouTube
Lajme të Sugjeruara

Bordi i Transparencës publikon çmimet e reja të karburanteve, ulet nafta dhe benzina

Bordi i Transparencës publikoi të mërkurën, më 18 nëntor 2026, çmimet e reja të karburanteve në vend. Sipas vendimit të fundit, nafta dhe benzina do...
12:15 | 18/11/2026

Dëmshpërblim 100% për bizneset e vogla të dëmtuara nga protestat, zv.ministri Keputa: Nisin në janar, shuma do t’u kërkohet shkaktarëve

Komisioni i Ekonomisë miratoi këtë të martë Aktin Normativ për dëmshpërblimin e biznesit të vogël të dëmtuar, në masën 100% të vlerës së dëmit të...
15:37 | 17/11/2026

Eksportet rriten 1.5%, deficiti tregtar arrin në 56 miliardë lekë

Eksportet kanë shënuar rritje minimale1.5% në tetor, ndersa importet jane rritur 10% Diferenca mes tyre ka thelllua deficitin tregtar në 55.9 miliardë lekë. Tregtia e...
14:47 | 17/11/2026