Vritet me armë zjarri një person në Suharekë, arrestohet autori i dyshuar

18 Nëntor 2026 | 13:58

Një person ka mbetur i vrarë mesditën e kësaj të mërkure në Suharekë të Kosovës, pasi është qëlluar me armë zjarri nga një person tjetër. Ngjarja është regjistruar rreth orës 12:20, ndërsa autori i dyshuar është arrestuar nga Policia.

Lajmi është konfirmuar nga zëdhënësi i Policisë për rajonin e Prizrenit, Shaqir Bytyqi, i cili bëri me dije se viktima fillimisht ishte transportuar në gjendje të rëndë shëndetësore drejt Emergjencës për të marrë ndihmë mjekësore, por nuk ka mundur t’u mbijetojë plagëve.

“Jemi informuar se viktima ka humbur jetën si pasojë e plagëve. Ndërsa i dyshuari është lokalizuar dhe është arrestuar”, ka deklaruar Bytyqi.

Sipas njoftimit paraprak të Policisë, një person i panjohur kishte qëlluar me armë zjarri në drejtim të një mashkulli, duke e lënë këtë të fundit të plagosur rëndë. Pas ngjarjes, i dyshuari ishte larguar nga vendi i krimit.

Policia ka ndërmarrë veprimet hetimore për zbardhjen e plotë të rrethanave të vrasjes, ndërsa pritet të mësohen më shumë detaje për motivet e ngjarjes dhe identitetin e personave të përfshirë.

Home Kryefaqja
Shiko në: YouTube
Lajme të Sugjeruara

Berisha në Kuvend: Po denoncimi i Majkos? Do të dalin edhe skenat erotike

Kryetari i Partisë Demokratike, Sali Berisha, ka folur lidhur me deklaratën e ish-kryeministrit Pandeli Majko në Asamblenë e Partisë Socialiste, duke kërkuar shpjegime nga mazhoranca....
13:36 | 18/11/2026

Kapet me kokainë të ndarë në doza, arrestohet 41-vjeçari në Fier

Një 41-vjeçar është arrestuar në flagrancë në Fier, pasi u kap duke poseduar kokainë, të cilën dyshohet se e mbante me qëllim shitjen. I arrestuari...
13:08 | 18/11/2026

SHBA miratoi shitjen e dy sistemeve raketore HIMARS, Nufi: FA me kapacitete goditëse në distanca të gjata

Ministri i Mbrojtjes, Ermal Nufi, ka bërë të ditur se Shtetet e Bashkuara të Amerikës kanë miratuar shitjen e mundshme të dy sistemeve të artilerisë...
12:34 | 18/11/2026