Wednesday / November 18 / 2026
Revista Monitor Logo
hamburger menu icon

mbyll

close icon
Ads
Bota Europa

Italia pritet të kufizojë përdorimin e rrjeteve sociale nga të miturit

Share Share Icon

Italia pritet të bëhet vendi i radhës që kufizon aksesin e të miturve në rrjetet sociale, duke ndjekur shembullin e Australisë, Brazilit dhe Greqisë. Parlamenti pritet të miratojë një dekret të qeverisë deri në fund të vitit.

  • Fëmijët nën 13 vjeç nuk do të lejohen të kenë llogari në rrjetet sociale.
  • Të miturit nga 13 deri në 15 vjeç do të mund të kenë llogari vetëm nëse ato lidhen me llogarinë e njërit prej prindërve.
  • Llogaritë personale të pavarura do të lejohen nga mosha 16 vjeç.
  • Masat parashikohen në një amendament të dekretit për sigurinë, i cili po diskutohet në parlament dhe pritet të miratohet deri në fund të dhjetorit.
  • Amendamenti ende nuk është paraqitur zyrtarisht, por gëzon mbështetjen e koalicionit të djathtë të kryeministres Giorgia Meloni.
  • Sipas burimeve parlamentare, miratimi i amendamentit është pothuajse i sigurt.
  • “Ky amendament mund të shënojë një kthesë vendimtare për prindërit që përballen me varësinë e fëmijëve të tyre nga teknologjia dixhitale, si edhe për vetë të miturit”, tha në një deklaratë Fabio Rampelli, deputet i lartë i partisë Fratelli d’Italia, të drejtuar nga Meloni.
  • Në formën aktuale, e cila mund të ndryshojë gjatë diskutimeve parlamentare, projektligji i përjashton aplikacionet edukative nga ndalimi.
  • Kompanitë e rrjeteve sociale do të duhet të verifikojnë moshën e përdoruesve, sipas udhëzimeve që autoriteti italian i komunikimeve, AGCOM, do të hartojë brenda nëntë muajve nga hyrja në fuqi e dekretit.
  • Kompanitë e rrjeteve sociale janë nën presion për të ndryshuar algoritmet e tyre, ndërsa në mbarë botën po shtohen shqetësimet se platformat e tyre po kontribuojnë në krizën e shëndetit mendor te fëmijët.

Zbatimi i kufizimeve do të varet nga mënyra se si platformat do të verifikojnë moshën e përdoruesve. Udhëzimet e AGCOM-it pritet të sqarojnë se çfarë të dhënash do të kërkohen për këtë verifikim. Sfida do të jetë të parandalohet hapja e llogarive me datëlindje të rreme, duke mbrojtur njëkohësisht privatësinë e të miturve.

Me këtë propozim, Italia i bashkohet një numri në rritje vendesh që po vendosin kufij moshe për përdorimin e rrjeteve sociale. Turqia e zbaton ndalimin për fëmijët nën 15 vjeç që prej 1 nëntorit, ndërsa në Greqi i njëjti kufi moshe hyn në fuqi më 1 janar 2027. Mbretëria e Bashkuar synon të kufizojë aksesin për fëmijët nën 16 vjeç nga pranvera e vitit 2027. Në Francë, ndërkohë, Këshilli Kushtetues rrëzoi në gusht dispozitën kryesore të ndalimit për fëmijët nën 15 vjeç.

 

Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

Leave a Reply

Your email address will not be published. Required fields are marked *

Ekskluzive Monitor Top 1,000

Publikohen për herë të parë treguesit financiarë të 1000 kompanive më të mëdha në vend. Renditja e grupeve kryesore!

Eksploro Top List
Live Now

Lajme të Ngjashme

Bota /

Anthropic mund të vlerësohet deri në 1,4 trilionë dollarë në debutimin në bursë

Anthropic, kompania që zhvillon asistentin e inteligjencës artificiale Claude, pritet të caktojë kete te merkure çmimin e ofertës publike fillestar...

4 hours më parë 3 Min Lexim
Azi / Bota /

Xi dhe Putin kundër sanksioneve, përpara takimit me Trump

Presidenti kinez Xi Jinping u zotua të kundërshtojë proteksionizmin tregtar, ndërsa homologu i tij rus, Vladimir Putin, kritikoi sanksionet perëndi...

5 hours më parë 3 Min Lexim
Ads
collaps icon

Rrisni limitin e artikujve në 400 në muaj FALAS! Regjistrohu Falas!

Rrisni limitin e artikujve në 400 në muaj FALAS!

Si përdorues i paregjistruar, mund të lexoni vetëm 200 artikuj në muaj. Mund ta rrisni këtë limit duke krijuar një llogari FALAS në faqen tonë.

Regjistrohu FALAS!