Ristrukturohet Teuta, Edmond Jazexhi merr një pozicion të ri

Pas një kontributi të madh në sportin e volejbollit dhe në veçanti te ekipi i Teutës, trajneri Edmond Jazexhi merr një pozicion të ri në strukturat e klubit.

Trajneri i suksesshëm është emëruar Drejtor Sportiv i ekipit të volejbollit të femrave, ndërsa do të mbajë gjithashtu rolin e Këshilltarit pranë Klubit Shumësportësh Teuta për çështjet e volejbollit.

Ky ndryshim vjen në kuadër të riorganizimit të ekipit dhe forcimit të çdo hallke të strukturës sportive, me synimin për të ndërtuar një ekip konkurrues në të gjitha nivelet, jo vetëm në ekipin e parë, por edhe në formimin dhe zhvillimin e talenteve të reja.

Pas kontributit të tij si trajner i parë i ekipit të volejbollit të femrave, Edmond Jazexhi do të marrë përsipër një detyrë të re, me përgjegjësi më të mëdha dhe sfida të tjera.

Eksperienca e tij e gjatë, përkushtimi dhe njohuritë në sportin e volejbollit do të jenë një vlerë e shtuar për Teutën, duke ndihmuar në zhvillimin dhe ecurinë e mëtejshme të ekipit.

360grade.al

Monarkia e pashpallur e stabilitetit!

Të tjera

Galeria
Rreth nesh

360 grade.al është një portal që synon të sjellë shumë të vërteta të fshehura dhe të anashkaluara në realitetin shqiptar. Simbas parimit se e Vërteta nuk është monopol i askujt dhe se përgjithësisht e drejta është më shumë në Mes, se sa në Skaj.

Duke refuzuar radikalizmin politik, apo atë të qëndrimeve, si një përcjellës të Gënjeshtrës përmes deformimit, Errësirës përmes zhurmës dhe të Antishtetit përmes kauzave të rreme, nga cilido krah ai të paraqitet.

Kontakt

Adresa: Rruga Gjin Bue Shpata,
Njësia Bashkiake Nr.5. Kati i 1.
Tirane, Shqipëri