Skoci/ Policia kërkon ndalimin e shitjes së biçikletave dhe skuterëve elektrikë, alarm për rritjen e rasteve kriminale dhe aksidenteve
Presidenti amerikan Donald Trump ka zhvilluar një takim të veçantë në Manila me 97-vjeçaren Imelda Marcos, ish-zonjën e parë të Filipineve dhe bashkëshorten e ish-diktatorit Ferdinand Marcos.
Gjatë takimit, Trump e përshëndeti atë me fjalët “Të duam”, duke rikthyer në vëmendje njohjen e tyre që daton prej më shumë se katër dekadash.
Takimi u zhvillua në pallatin presidencial Malacañang, ku kreu i Shtëpisë së Bardhë zhvilloi gjithashtu bisedime me djalin e saj, presidentin aktual të Filipineve, Ferdinand Marcos Jr.
Trump dhe familja Marcos njihen që prej viteve 1980, kur presidenti amerikan ishte i angazhuar në biznesin e pasurive të paluajtshme në New York.
Imelda Marcos është e veja e Ferdinand Marcos Sr., i cili drejtoi Filipinet për shumë vite, deri në rrëzimin nga pushteti në vitin 1986, pas një kryengritjeje popullore që i dha fund regjimit të tij.
Familja Marcos është rikthyer tashmë në krye të vendit përmes djalit të tyre, Ferdinand Marcos Jr., i cili mban aktualisht postin e presidentit.
Vizita e Trump në Manila është shoqëruar edhe me protesta. Qindra demonstrues kanë dalë në rrugët e kryeqytetit, ku kanë djegur flamuj amerikanë dhe kanë brohoritur kundër presidentit të SHBA-së.
Protestuesit u mblodhën pranë pallatit presidencial, duke kundërshtuar takimin mes Trump dhe presidentit filipinas, ndërsa akuzuan Uashingtonin për shfrytëzimin e vendit të tyre. Protesta lidhet me kundërshtimet e vazhdueshme ndaj ndikimit politik dhe ushtarak amerikan në Filipine.
President Donald Trump reunited with former Philippine first lady Imelda Marcos, 97, during a visit to Manila on Wednesday, sharing a warm exchange with the longtime acquaintance.
“We love you,” Trump told Marcos at Malacañang Palace, where Trump also met with her son, Philippine President Ferdinand Marcos Jr.
Imelda Marcos is the widow of former Philippine dictator Ferdinand Marcos Sr., who was ousted from power in a popular uprising in 1986. Trump has known the family since his days as a New York real estate developer in the 1980s.
— CBS News (@CBSNews) November 18, 2026
Top Channel