Drejtori i Agjencisë për Parandalimin e Korrupsionit, Yll Buleshkaj, ka treguar se qysh në vitin 2022 me ndryshimin e legjislacionit, Agjencisë i është larguar kompetenca për hetime paraprake për çfarëdo pretendimi për korrupsion.
Ai ka thënë se deri në vitin 2022 janë dërguar goxha shumë raste në prokurori për shkak të menaxhimit joadekuat të pronës komunale nga kryetarët e komunave.
“Në vitin 2022, kur ka ndryshuar legjislacioni për Agjencinë, janë shtuar goxha shumë mandate e numra, por na është larguar një kompetencë që ka qenë shumë e rëndësishme. Hetimet paraprake për çfarëdo lloj pretendimi për korrupsion. Është hequr për shkak të siç ishte thënë saktësimit të mandatit. Të dihet se mandati është i policisë dhe prokurorisë, ndërsa Agjencisë i është larguar ai mandat. Deri në fund të vitit 2022 kemi dërguar goxha shumë raste në prokurori për shkak të menaxhimit joadekuat të pronës komunale nga kryetarët e komunave”, ka thënë Buleshkaj në “Konfront” të KTV-së.
Ai ka treguar një rast kur një kolegu nga Agjencia i kishte thënë një kryetar i komunës se “më mirë të shkonte në prokurori për aq pak para sesa të humbte potencialisht elektoratin që mund të jetë nga ato prona që i shfrytëzojnë”.
“Ka mjaft shumë punë. Raporti i Progresit e njeh këtë si problem, menaxhimi i pronës publike nga institucionet, e njeh si një nga problemet kryesore. Agjencia ka tentuar të merret me të më herët, tashmë merret vetëm nëse rastet hynë brenda mandatit të saj”, tha Buleshkaj.
Edhe
Buleshkaj: Vetëm 10 për qind e kallëzimeve penale përfundojnë në aktakuza
Ai ka thënë se vërehet se policia e krimeve ekonomike dhe anti-korrupsion po ngarkohet më shumë me raste të shkeljeve administrative, pretendime që dërgon gjithkush, pasi nuk ka vendimmarrje paraprake se çka është një shkelje administrative e çka mund të jetë potencialisht vepër penale.
“Ata përfundojnë duke mbyllur aq shumë raste, sepse nuk janë tek e fundit shkelje. Shumica e pretendimeve që janë në procedura rekrutimit, tenderimit, mund të jenë shkarje administrative që dënohen, personat që kanë realizuar ato mund të penalizohen në aspektin administrativ me masa disiplinore. Por, ata përfundojnë duke u trajtuar në aspektin kriminal dhe lirohen si të pafajshëm. As nuk dënohen nga institucionet gjegjëse për trajtim, trajtohen në mënyrë të gabuar. Ne përfundojmë nganjëherë duke u marrë me vepër penale që nuk është në mandatin tonë, e policia e prokuroria merren me shkelje administrative që nuk është në mandatin e tyre”, tha Buleshkaj.
Lufta kundër korrupsionit | KONFRONT
-
Mosdeklarimi i pasurisë, Buleshkaj: Qindra kallëzime penale janë hudhur poshtë për shkak të vendimit të Supremes
-
Policia e Kosovës prin me numrin e zyrtarëve të vonuar në deklarimin e pasurisë
-
Tetë ditë deri në mbyllje të afatit, vetëm rreth 28 për qind e zyrtarëve e kanë deklaruar pasurinë
-
Buleshkaj: Këshilli Gjyqësor është dy vjet vonë me Planin e Integritetit, këto ditë e ka nënshkruar