Mbështete KOHËN. Ruaje të vërtetën
Arbëri

Muhaxheri ankohet për mungesë stafi në QPS: Kemi 10 vende pune të bllokuara prej disa vitesh

Gazmend Muhaxheri

Kryetari i Komunës së Pejës, Gazmend Muhaxheri, ka raportuar të mërkurën para Komisionit Hetimor lidhur me rastin e vrasjes së Arlinda Zekajt, ku ka folur për kushtet në Qendrën për Punë Sociale (QPS), buxhetin për personat në nevojë dhe mungesën e stafit në këtë institucion. Ai ka bërë të ditur se dhjetë pozita pune kanë mbetur të paplotësuara për shkak të pengesave në procedurat e rekrutimit në Qendrën për Punë Sociale dhe në qendrën për strehimin e fëmijëve. Qendra për strehimin e fëmijëve, sipas Muhaxherit, ende nuk ia ka nisur punës pikërisht për mungesë stafi.

Gjatë raportimit, Muhaxheri ka thënë se komuna është angazhuar për përmirësimin e kushteve të punës në QPS, duke përmendur ndërtimin e objektit të ri në vitin 2022.

Ai ka deklaruar se komuna ndan mjete buxhetore për personat në nevojë, përfshirë viktimat e dhunës, të cilëve u sigurohet mbështetje për qira dhe strehim të përkohshëm.

Duke folur për mungesën e stafit, Muhaxheri ka thënë se komuna ka pasur dhjetë pozita të paplotësuara për disa vite për QPS-në dhe qendrën e strehimit të fëmijëve, për shkak të pengesave në rekrutim dhe mungesës së aprovimit të buxhetit.

Sipas tij, këto pozita kanë mbetur të bllokuara për shkak të mungesës së udhëzimeve nga ministria përkatëse dhe pamundësisë së sigurimit të mjeteve për paga.

Edhe Zyrtari i QPS-së: Pa psikolog, u intervistua në polici djali i Arlinda Zekajt LAJMET E MBRËMJES Zyrtari i QPS-së: Pa psikolog, u intervistua në polici djali i Arlinda Zekajt

“Që katër vjet i kemi 10 vende të punës të bllokuara [...] Për mungesë të udhëzimit se si ka munguar rekrutimi, çka ka kërkuar ajo ministria për këtë staf, kemi mbetur pa e shpallur konkursin”, ka deklaruar Muhaxheri, transmeton Ekonomia Online.

Ai ka bërë të ditur se komuna ka ndërtuar edhe një qendër për strehimin e fëmijëve, të cilën kishte planifikuar ta hapte gjatë këtij viti, por ka hasur në vështirësi për sigurimin e stafit.

I pyetur nëse qytetarët që përballen me dhunë apo probleme të tjera mund t'i drejtohen drejtpërdrejt kryetarit të komunës, Muhaxheri ka thënë se ai i pret qytetarët çdo të enjte, por edhe në ditët e tjera të javës.

Ai ka theksuar se rastet zakonisht adresohen në Qendrën për Punë Sociale, e cila merret me trajtimin e tyre.

I pyetur nëse Komuna kishte kërkuar ndonjë takim me Qendrën për Punë Sociale lidhur me rastin, Muhaxheri tha se mbledhjet e bordit të drejtorëve mbahen çdo të hënë dhe se aty trajtohen edhe rastet e dhunës në familje.

“Prandaj, për dhunën në familje, rreth masave të ndërmarra në mbrojtje të viktimës, ne i mbajmë mbledhjet çdo të hënë të bordit të drejtorëve. Edhe në kuadër të kësaj ideje, të këtij mbledhje, kur ndodh ndonjë rast, ato vijnë me u anku. Ne i kemi pasur dy raste që kanë ndodhur shumë më të rënda se ky rasti i cili ka ndodhur, edhe njëra prej tyre është hala rast i rëndë dhe trajtohet ende”, tha Muhaxheri.

Edhe Drejtuesja e QPS-së në Pejë ankohet për mungesë stafi, thotë se me Arlindën s’u takua asnjëherë direkt Arbëri Drejtuesja e QPS-së në Pejë ankohet për mungesë stafi, thotë se me Arlindën s’u takua asnjëherë direkt

Gjatë raportimit, Muhaxheri u pyet nëse kishte pasur një ankesë të bërë nga e ndjera Arlinda Zekaj dhe se më vonë e kishte detyruar atë ta fshinte.

Muhaxheri i mohoi këto pretendime, duke thënë se avokatja e të ndjerës kishte parashtruar tri ankesa në Komunë dhe një në ministri.

“Nuk është ashtu qysh po thu ti. Avokatja e të ndjerës i ka bërë tri ankesa në komunë, edhe një në ministri. Ankesat i janë drejtuar drejtorisë së administratës, shefit të personelit dhe kryetarit të komunës. Ne e kemi trajtuar këtë rast, edhe shefja e QPS-së i është drejtuar ministrisë dhe rasti u mbyll. Jo me ankesë, po avokatin e të ndjerës duhet me e pyet, ajo e ka tërhequr në ministri ankesën, se ka qenë e pabazë, në postë, në donacione, në postë të emailit”, deklaroi ai.

Në Komision, kryetari i Pejës u pyet edhe për nivelin e bashkëpunimit me Policinë e Kosovës. 

Ai tha se bashkëpunimi i tij me Policinë ka qenë i mirë, ndërsa theksoi se gjatë 12 viteve në krye të komunës nuk kishte ndërhyrë në përzgjedhjen e drejtorit të Stacionit Policor në Pejë. 

Edhe Udhëheqësi i QPS-së pranon se në rastin e Arlinda Zekajt ka munguar plani individual Arbëri Udhëheqësi i QPS-së pranon se në rastin e Arlinda Zekajt ka munguar plani individual

“Bashkëpunimi im ka qenë i mirë me ta edhe pse kryetarët e komunave të tjera kërkojnë me qenë të involvuar, për 12 vjet nuk kom ndiku se kush ka me qenë drejtor i stacionit të policisë në Pejë”, tha Muhaxheri.

Arlinda Zekaj u vra në mbrëmjen e 25 tetorit në Vitomiricë të Pejës. I dyshuar për vrasjen e saj është kunati i saj.
 

Lexo përditësimet tjera
Komsiioni per Arlinda Zekajn

Përplasje në Komisionin për rastin Zekaj, Rrahmani akuzon për politizim – Baloku ia kthen me akuza për mashtrim

Me akuza për politizim të Komisionit Hetimor Parlamentar për rastin e vrasjes së Arlinda Zekajt është...