Anthropic vlerësohet 1.5 trilion dollarë, debuton në bursë si një nga kompanitë më të vlefshme në botë

19 Nëntor 2026 | 09:38

Kompania amerikane e inteligjencës artificiale Anthropic pritet të arrijë një vlerësim prej 1.5 trilion dollarësh me debutimin e saj në bursë këtë të enjte, duke u renditur mes kompanive më të vlefshme në botë.

Kompania që qëndron pas chatbot-it Claude ka njoftuar se aksionet e saj do të dalin në shitje me një çmim prej 83 dollarësh për njësi në Nasdaq, bursën amerikane të specializuar në kompanitë e teknologjisë.

Ky debutim shënon një moment historik për industrinë e inteligjencës artificiale, pasi Anthropic bëhet kompania e parë amerikane e fokusuar ekskluzivisht në këtë teknologji që hyn në tregun publik të aksioneve. Ndërkohë, shtatë themeluesit e saj, të cilët krijuan kompaninë në vitin 2021, pritet të bëhen multimiliarderë.

Dalja në bursë konsiderohet gjithashtu një test i rëndësishëm për sektorin e inteligjencës artificiale, i cili po përjeton rritje të jashtëzakonshme, por përballet edhe me pikëpyetje mbi qëndrueshmërinë e investimeve masive në këtë teknologji dhe aftësinë e kompanive për t’i kthyer ato në fitime.

Fillimisht, Anthropic kishte planifikuar që aksionet të ofroheshin me një çmim nga 70 deri në 78 dollarë, duke e vlerësuar kompaninë deri në 1.3 trilion dollarë. Megjithatë, interesi i lartë i investitorëve ka bërë që çmimi përfundimtar të jetë më i lartë.

Sipas një investitori të hershëm të kompanisë, i cili foli për BBC-në, kërkesa për aksionet e Anthropic ka tejkaluar më shumë se dhjetëfishin e numrit të aksioneve të disponueshme.

Nëse këto të dhëna konfirmohen, vlerësimi i kompanisë mund të rritet edhe më tej me nisjen e tregtimit në bursë, duke e kthyer debutimin e saj në një nga ngjarjet më të rëndësishme financiare të sektorit të teknologjisë.

Home Kryefaqja
Shiko në: YouTube
Lajme të Sugjeruara

“Mos më dërgo puthje”, replika e pazakontë e Vuçiçit ndaj deputetit në Parlament: E mora këtë si ngacmim seksual

Pas humbjes së tij në zgjedhje, Aleksandar Vuçiç u ul për herë të parë në vendet e opozitës në Parlamentin serb. Gjatë debatit, ai komentoi...
09:37 | 19/11/2026

Valixhja bërthamore ruse në qendër të vëmendjes në Kinë: Putin demonstron fuqinë ushtarake para Trump dhe Xi (VIDEO)

Një valixhe që media pretendon se përmban kode për aktivizimin e arsenalit bërthamor të Rusisë ka tërhequr vëmendjen e publikut në qytetin kinez Shenzhen, ku...
09:21 | 19/11/2026

Trump shfaqet i lodhur gjatë fjalimit të Xi Jinping në samitin e APEC-ut, momenti kur presidenti shfaqet me sy mbyllur (VIDEO)

Ndërsa liderët botërorë filluan një ditë të re bisedimesh në samitin e APEC-ut në Shenzhen, presidenti amerikan Donald Trump dukej sikur po përkulej nga lodhja,...
09:08 | 19/11/2026