Me afrimin e vitit 2027, krahas planeve për festat dhe shpenzimeve të dhjetorit, është edhe koha kur shumë familje bëjnë një bilanc të thjeshtë: sa kemi shpenzuar, sa kemi kursyer dhe çfarë mund të bëjmë ndryshe vitin e ardhshëm?

Fundi i vitit ka një mënyrë të vetën për të na kthyer te financat personale. Pas një viti me shpenzime të vogla e të mëdha, pushime, fatura dhe blerje të paplanifikuara, pyetja që mbetet është e thjeshtë: çfarë ndodhi me kursimet?

Për shumë njerëz, përgjigjja është se një pjesë e tyre vazhdojnë të qëndrojnë në shtëpi ose në një llogari bankare, të paprekura, “për çdo rast”.

Të kesh para të disponueshme për emergjenca është sigurisht e rëndësishme. Por për kursimet që e dimë se nuk do të na duhen në muajt e ardhshëm, mund të ketë kuptim të mendojmë edhe për alternativa që u japin atyre një funksion tjetër.

Një prej tyre janë depozitat me afat.

Çfarë ndodh me paratë kur i vendos në një depozitë?

Koncepti është relativisht i thjeshtë: një shumë parash vendoset në bankë për një periudhë të përcaktuar dhe për këtë periudhë përfiton interes sipas kushteve të përcaktuara që në momentin e hapjes së depozitës.

Për shembull, Intesa Sanpaolo Bank aktualisht ofron një depozitë 1-vjeçare në Lekë me normë interesi vjetore fikse 3%, e vlefshme për fondet e reja që depozitohen në bankë deri më 31 dhjetor 2026.

Fakti që norma është fikse do të thotë se ajo nuk ndryshon gjatë periudhës së depozitës, edhe nëse ndërkohë ndryshojnë normat e interesit të ofruara për depozitat e reja.

Për ta bërë më konkrete: një shumë prej 1 milion lekësh, e vendosur për një vit me normë interesi 3%, do të gjeneronte rreth 30 mijë lekë interes bruto, sipas periudhës së plotë të qëndrimit të fondeve në depozitë.

Natyrisht, përpara se të vendosësh, ka disa kushte praktike që duhen pasur parasysh. Oferta zbatohet për fonde të reja dhe vetëm në monedhën LEK. Depozita nuk funksionon si një llogari për pagesat dhe shpenzimet e përditshme, ndaj për këto veprime nevojitet një llogari rrjedhëse. Ndërsa shumat e tjera që mund të shtohen më vonë i bashkohen depozitës ekzistuese në datën e maturimit.

Po siguria e kursimeve?

Kur flitet për kursimet, interesi nuk është domosdoshmërisht pyetja e parë. Për shumë familje më e rëndësishme është të dinë se çfarë ndodh me paratë e tyre dhe si mbrohen ato.

Në Shqipëri, depozitat e individëve në banka sigurohen nga Agjencia e Sigurimit të Depozitave, në përputhje me legjislacionin në fuqi, deri në shumën 2.500.000 Lekë për çdo depozitues në çdo bankë.

Kjo është edhe një nga arsyet pse depozitat me afat vazhdojnë të jenë një alternativë e përdorur nga ata që duan të kenë të qartë që në fillim periudhën e kursimit dhe normën e interesit që do të aplikohet.

Edhe administrimi është relativisht i thjeshtë. Për hapjen e depozitës nevojitet një dokument identifikimi i vlefshëm, si letërnjoftimi ose pasaporta. Për çdo depozitë të hapur lëshohet kontrata përkatëse, ndërsa gjendja e saj mund të ndiqet edhe përmes Digital Banking ose pranë degës së bankës.

Para 2027-s, ndoshta ia vlen një kontroll i financave personale.

Nuk ekziston një mënyrë e vetme për të kursyer dhe as një zgjidhje që i përshtatet çdo familjeje. Për dikë, prioritet mund të jetë krijimi i një fondi emergjence; për dikë tjetër, shlyerja e një detyrimi apo kursimi për një paradhënie për shtëpi, shkollim ose udhëtim.

Por fundi i vitit mund të jetë një moment i mirë për të bërë një ndarje të thjeshtë: cilat para mund të më duhen në çdo moment dhe cilat mund t’i lë mënjanë për një periudhë më të gjatë?

Edhe një vendim i vogël i marrë sot mund ta bëjë pak më të qartë mënyrën se si hyjmë financiarisht në vitin 2027.

Për më shumë informacion mbi kushtet e depozitës 1-vjeçare në Lekë të Intesa Sanpaolo Bank dhe për të lënë të dhënat e kontaktit, mund të vizitoni:

https://www.intesasanpaolobank.al/retail/kursime-depozita-me-afat/depozita-1-vjecare-ne-lek.html?utm_source=balkanweb&utm_medium=referral&utm_campaign=23_r_ktk_d_intesa_deposit_conversion#apliko

Informacioni mund të merret gjithashtu pranë degëve të Intesa Sanpaolo Bank.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb